Site wetu wa Enternete: Ambuluisha muntu udi wakula muakulu mukuabu
Uleje muntu Site wetu: Leja muntu mua kusungula liste wa “Muakulu wa site” wa miakulu idi mu Site bua amone muakulu wende. (Mu imue miakulu mudi anu mikanda mikese.)
Leja muntu muaba udi malu mu muakulu wende: Umupatuile dibeji dia mukanda wetu kampanda bu mudi wa Bible ulongesha anyi dia trakte wa Kuenaku musue kupeta mandamuna a nkonko eyi anyi? Usungule muakulu wa muntu mu liste wa “Bala mu.”
Enza bua muntu ateleje tshiena-bualu: Keba tshiena-bualu tshidi ne mêyi makuata mu muakulu wa muntu, tuaku bua ateleje. Biwikala ulonga muakulu mukuabu, wikale uteleja biena-bualu bidi ne mêyi makuata bua kumvua malu audi wenda ubala.—Tuaku pa “Mikanda/Mikanda ne Broshire” anyi “Mikanda/Bibejibeji.”
Yisha tumama: Wewe mupete kamama, ukaleje filme wa mu muakulu wa tumama wa nshapita wa mu Bible, wa mu mukanda, wa mu broshire anyi trakte.—Tuaku pa “Mikanda/Muakulu wa tumama.”
[Diumvuija dia bidi mu Tshimfuanyi tshia mu dibeji 6]
(Bua kumona malu bimpe, tangila mu mukanda)
Tshia kuenza
1 Tuaku ▸ bua kutuadija kuteleja mêyi makuata a tshiudi musungule (pikalabiku mu muakulu wenu) anyi pa mukete wa “Biena-bualu bia kuambula” bua kuambula mukanda.
2 Sungula muakulu mukuabu mu liste wa “Bala mu” bua kuleja dibeji edi mu muakulu au.
3 Tuaku pa “Tshikuabu” anyi pa “Tshikebelu” bua kubala tshiena-bualu anyi nshapita mukuabu.