Site wetu wa Enternete: Uyishe nende
Ulombe bantu bua babuele mu site wetu: Bamue bantu batu belakana bua kuyukila netu anyi kuangata mikanda yetu batu bitaba bua kubuela mu site wetu wa jw.org padibu ku nzubu bua kumanya tshidi Bantemu ba Yehowa menemene. Nanku, wikale wambila bantu bua baye ku site wetu misangu yonso idi mushindu umueneka.
Andamuna nkonko: Imue misangu, muntu utudi tuyisha, muntu udi wanyisha bulelela anyi muntu utudi bamanyangane nende udi mua kutuebeja bua kumanya malongesha etu anyi tshitudi. Umuleje diandamuna diakamue mu telefone anyi mu ordinatere. Bitu bimpe kubadila mvese mu Bible. Wewe kuyi ne telefone udi ne Enternete, umvuije muntu mua kubuela mu site wetu wa jw.org bua kudipetelaye diandamuna.—Tuaku pa “Malongesha a mu Bible/Mandamuna a nkonko ya mu Bible” anyi “Tshitudi/Nkonko itu bantu batamba kuela.”
Tumina muntu uudi mumanye tshiena-bualu anyi mukanda: Ulamakaje ku mesaje audi utuma PDF anyi EPUB biudi muambule. Peshi wambule mêyi a mukanda udibu bakuate mu ditadi (anyi CD). Dîba dionso diudi upesha muntu udi kayi mutambule tshibejibeji, broshire anyi mukanda mujima, umutumineu bu mudi ku ordinatere, mu flashi anyi mu ditadi (kauyi pa mabeji) kadi muangatshila mu site wetu, udi mua kubifunda mu luapolo luebe. Katutuminyi muntu bintu kakuyi dîna dietu anyi katumutuminyi dibuki dimue ditambe bunene to. Katuedi bintu bia mu site wetu mu site mukuabu to.—Tuaku pa “Mikanda.”
Leja muntu ngumu yetu mipiamipia: Ngumu eyi neyambuluishe balongi ba Bible ne bantu bakuabu bautu utangila bua bikale ne dianyisha bua mudimu wetu ne buobumue buetu. (Mus. 133:1)—Tuaku pa “Ngumu.”
[Diumvuija dia bidi mu Tshimfuanyi tshia mu dibeji 5]
(Bua kumona malu bimpe, tangila mu mukanda)
Tshia kuenza
1 Muinshi mua “Mikanda,” mudi biena-bualu biudi musue kuambula, tuaku pa ka muketa ka tshiena-bualu anyi ka drama uudi ukeba.
2 Tuaku pa mbote wa “MP3” bua kupatula liste wa biena-bualu bionso. Tuaku pa tshiena-bualu bua kutshiambula anyi ▸ bua kutshiteleja ku Enternete.
3 Wewe musue kuambula mukanda wa muakulu muenyi, sungula muakulu au mu liste.