Site wetu wa Enternete: bua kudilongela anyi kulonga mu dîku

Ubadilaku bibejibeji bitshidi bipatukilaku: Ikala ubala Tshibumba tshia Nsentedi ne Réveillez-vous! ku Enternete mbingu ya bungi kumpala kua kubipeta mu tshisumbu. Ikala uteleja bibejibeji ebi bikuata mu mêyi.​—Tuaku pa “Mikanda/​Bibejibeji.”

Bala biena-bualu bidi bipatuka anu mu site wetu: Bimue biena-bualu bu mudi tshia: “Buenu nuenu bansonga,” “Malongesha anyi a mu Bible,” “Apprenons en famille,” ne tshia “Les jeunes s’interrogent,” bidi bipatuka mpindieu anu mu site wetu. Buela ku Enternete, utangile bimue biena-bualu biudi mua kudilongela anyi kulonga mu dîku.​—Tuaku pa “Malongesha a mu Bible/​Bana” anyi “Malongesha a mu Bible/​Bansonga.”

Bala ngumu mipiamipia: Bala luapolo ne malu mamona adi atukolesha, utangile kabidi tutupa tua filme idi ileja mudi mudimu wetu wenda pa buloba bujima. Luapolo bua bipupu ne buluishi nebituambuluishe bua kumanya malu a kuela mu masambila bua bana betu badi mu ntatu eyi. (Yak. 5:16)​—Tuaku pa “Ngumu.”

Enza makebulula mu Mikanda yetu ku Enternete: Pikala tshitupa etshi mu muakulu wenu, wikale ubala dituku dionso mvese wa ku dituku anyi wenza makebulula mu mikanda yetu mipiamipia ku ordinatere anyi ku telefone.​—Tuaku pa “Mikanda/​Mikanda ku Enternete,” anyi funda www.wol.jw.org muaba wa adrese.

[Diumvuija dia bidi mu Tshimfuanyi tshia mu dibeji 4]

(Bua kumona malu bimpe, tangila mu mukanda)

Tshia kuenza

1 Tuaku pa tshimfuanyi anyi pa “Diambula.” Tshimfuanyi tshidi tshimueneka mu mmuenekelu wa PDF. Utshipatule ku emprimante bua kulongesha natshi bana bebe.

2 Tuaku pa muaba wa “Tuadija,” bua kumona filme.