Site wetu wa Enternete: mulongolola buetu ne bua bantu bakuabu

Yezu mmutupeshe mudimu wa kuyisha lumu luimpe lua Bukalenge “pa buloba bujima budi bantu basombe bua luikale bujadiki kudi bisamba bionso.” (Mat. 24:14) Bua kutuambuluisha bua ‘kukumbaja mudimu wetu ne muetu muonso,’ mbasangishe site wa watchtower.org, wa jw-media.org, ne wa jw.org mu site wa jw.org.​—2 Tim. 4:5.

“Pa buloba bujima budi bantu basombe”: Pa buloba bujima, muntu umue pa basatu udi wenza mudimu ne Enternete. Enternete mmulue muaba munene udi bantu ba bungi bamanyina malu, nangananga bansonga. Site wetu udi wambuluisha badi babuela mu Enternete bua kupeta mandamuna malelela a nkonko ya mu Bible. Udi ubambuluisha bua kumanya Bulongolodi bua Yehowa, ubapepejila malu bua kulomba dilonga dia Bible kabayi bafuta kantu. Nunku, kudi mushindu wa lumu luimpe kufikalu miaba idi bantu ne lutatu lua kumvua mukenji wa Bukalenge.

“Kudi bisamba bionso”: Badi ne bua kuyisha bantu malongesha a mu Bible mu miakulu ya bungi bua kuyisha “bisamba bionso.” Bua bantu badi babuela mu site wa jw.org mbipepele bua kumanyabu malu mu miakulu mitue ku 400; kakutu site mukuabu wa Enternete utu ne miakulu bungi nunku to.

Enza nende mudimu bimpe: Site eu ki mbamuenze anu bua kuyisha bantu badi kabayi Bantemu to. Kadi mbamuenzele kabidi Bantemu ba Yehowa. Biwikala utu ubuela mu Enternete, tudi tukulomba bua umanye bimpe site wa jw.org. Malu adi alonda aa adi aleja muudi mua kuenza nende mudimu.

[Diumvuija dia bidi mu Tshimfuanyi tshia mu dibeji 3]

(Bua kumona malu bimpe, tangila mu mukanda)

Tshia kuenza

1 Funda www.jw.org mu muaba wa kukebela site ku Enternete mu ordinatere.

2 Bua kumona bintu bidi mu site eu, tuaku pa biena-bualu, pa liste ne pa dilamakaja.

3 Enza mudimu ne site wa jw.org mu telefone. Mbakaje miaku bua ikumbane nansha mu lumuenu lukese lua telefone, kadi malu adi anu amue.