“Ngenyi ya mua kufila bibejibeji mu . . .”

Ku ngondo yonso, kutu mudimu wa mu Tshisangilu tshia Mudimu udi uleja mua kufila bibejibeji. Kipatshila ka mudimu eu ki nka kuleja malu adi mu bibejibeji to. Kadi, mbenze mudimu eu bua kutuleja ngenyi ya mua kufila bibejibeji. Nanku bilondeshile malu adibu balombe, muanetu udi wenza mudimu eu udi ne bua kutuadija ne mêyi makese a mbangilu adi apesha bantu disanka bua bibejibeji. Pashishe, nealombe musangu umue bamanyishi bua baleje ngenyi idi mu tshiena-bualu tshimue (anyi tshimue tshia mu tshiena-bualu tshinene), bua bantu bonso balondeshe ne bumvue ngenyi idibu basue kuyisha nayi. Pamutu pa kuambila bantu bua kulejabu malu onso, alombe bamanyishi bua baleje nkonko idi isankisha bantu ba muaba unudi. Abalombe kabidi bua bumvuije mvese udibu mua kubala. Bua kujikija, neenzeje dinaya bua tshibejibeji tshionso. Tudi tunusengelela bua nudianjile kubala bibejibeji kumpala kua kulua mu bisangilu bua nuikale badilongolole bua kufila yenu ngenyi. Tuetu badilongolole bonso bimpe, netuambuluishangane.​—Nsu. 27:17.