Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga ne bantu mu Disambombo dia kumpala dia ngondo wa 8

“Pa kuamba muntu yonso utu usambila tshikondo kampanda? Too ne bantu batu kabayi bitaba ne: Nzambi udiku, bakadi basambile pavuabu mu ntatu. Buebe wewe, Nzambi utu uteleja masambila onso anyi?” Lekela muntu andamune. Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/8. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Dimanyisha: Nuenze dinaya dia mua kubanga muyuki edi mu tshisangilu tshia mudimu wa buambi tshinuenza mu dia 3 ngondo wa 8.

Tshibumba tshia Nsentedi 1/8

“Bu mudi ditangila bindidimbi bia bantu kabayi bilamba ditangalake bikole ne ditonda bantu, tudi tuenda tubatangila bua kuyukila nabu mu tshikoso. Kadi bua bantu bakuabu, ditangila bindidimbi ebi ndijikija lutetuku didi kadiyi ne bualu. Wewe udi wamba bishi? [Lekela muntu andamune.] Yezu wakamba ne: tudi mua kumanya bikala tshintu kampanda tshimpe ku bimuma biditshi tshikuama. [Bala Matayi 7:17.] Mukanda eu udi wakula bua malu adi ditangila bindidimbi bia bantu kabayi bilamba dikebeshe. Udi kabidi ufila mibelu mimpe idi yambuluisha bua kulekela ditangila bindidimbi ebi.”

Réveillez-vous! Ngondo wa 8

“Bantu ba bungi batu basue kuenza matuku a bungi pa buloba. Buebe wewe, udiku umona ne: mudi malu a sianse aya kumpala, adiku mua kuenza bua dituku kampanda tuikale ne muoyo kashidi anyi? [Lekela muntu andamune.] Tangila mulayi udi usankisha eu. [Bala 1 Kolinto 15:26.] Kadi mmushindu kayi wakumbaja Nzambi mulayi eu, nku diambuluisha dia sianse anyi, peshi nku diambuluisha dia tshintu tshikuabu? Bua tshinyi tudi tukulakaja ne tufua? Mukanda eu udi uleja mudi Bible wandamuna nkonko eyi.”