Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga ne bantu mu Disambombo dia kumpala dia ngondo wa 9

“Betuabu. Tudi tuenda tutangila bantu bua minite mikese bua kubaleja tshintu tshimpe tshidi tshiambuluisha bena mu dibaka bua kuikalabu ne disanka. Buebe wewe, mbualu kayi bunene butu bupangisha bantu bua kuikala ne disanka mu dibaka?” [Lekela muntu andamune.] Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/9. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/9

“Tudi tuenda tutangila bantu bualu ba bungi badi badiebeja bua tshinyi Nzambi mmulekele makenga. Kutuku muanji kudiebeja pebe nanku anyi? [Lekela muntu andamune.] Bidi bienza disanka bua mudi Bible ulaya ne: nekuikala tshikondo tshikala madilu ne bisama mua kujika kashidi. [Bala Buakabuluibua 21:4.] Mukanda eu udi wakula bua malu manene atanu adi aleja bua tshinyi kudi makenga bungi nunku. Udi kabidi uleja tshidi Bible wamba bua mushindu wikala Nzambi mua kujikija makenga.”

Réveillez-vous! Ngondo wa 9

“Tudi balue muaba eu bua kuyukila nebe malu adi atangila difesto dinene dia Halloween dikadi pa kuenzeka. Bamue bantu ki mbasue bua kudienza to, bualu badi bela meji bua mibelu kampanda bu mudi udi mu Bible eu. [Bala Lewitiki 19:31.] Bantu bakuabu kabatu bitaba ne: kudi nyuma mibi ne batu bamona difesto dia Halloween bu dinaya didi kadiyi ne bualu. Kadi wewe udi wela meji kayi? [Lekela muntu andamune.] Mukanda eu udi uleja miaba mibi idi difesto dia Halloween difumine.”