Mua kubanga muyuki
(Nuangate bia Mfualansa pikala bia Tshiluba kabiyiku)
Ngumu ya Bukalenge No. 38
“Ndi ngenda ngenza mudimu udi wenzeka pa buloba bujima wa dimanyisha bantu mukenji wa mushinga mukole eu. Diebe dibeji ndiodi edi.”
Dimanyisha: Bua kumona mua kujikija teritware mujima, wakule mu tshikoso. Kadi, misangu mikuabu muntu udi mua kuleja dijinga dikole ne ukeba bua nuenu kuyikila. Biobi nanku, udi mua kumulomba bua akuambile tshidiye wela meji bua lukonko ludi pa mutu, umubadile diandamuna dia mu Bible didi munda, pashishe nubale nende amue malu adimu pikalaku dîba. Kumpala kua kumushiya, umuleje muaba udibu bafunde ne: “Lukonko lukuabu,” pashishe numvuangane bua kulua kuluandamuna.
Tshibumba tshia Nsentedi 1/11
“Buebe wewe, mbualu kayi bunene butubu bashiminyina Nzambi? [Lekela muntu andamune.] Bilondeshile Bible, Nzambi mmusue bua bantu bamunange ne bamueyemene. [Bala Yeshaya 41:13.] Mukanda eu udi uleja malu manene asatu atubu bashiminyina Nzambi adi mapangishe bamue bantu bua kusemenabu pabuipi nende.”
Réveillez-vous! Ngondo wa 11
“Tudi tuenda tutangila bantu mu minite mikese bualu bidi bitonda ba bungi bua mudi bikadilu bimpe bienda binyanguka. Udiku wela meji ne: bantu badi benda balekela mikenji yabu ya bikadilu bimpe anyi? [Lekela muntu andamune.] Bible ukavua muambe ne: meji a bantu ne bienzedi biabu bivua ne bua kushintuluka. [Bala 2 Timote 3:1-5.] Mukanda eu udi uleja tshidi mua kutusaka bua kueyemena mikenji ya bikadilu bimpe idi mu Bible.”