Mua kubanga muyuki

Mua kutuadija kulonga Bible ne bantu: Disambombo dia kumpala dia ngondo wa 11

“Udi wela meji ne: bantu badi batumikila Nzambi batu ne disanka anyi? [Lekela muntu andamune.] Tshiena-bualu etshi tshidi tshiumvuija bualu ebu bimpe.” Mupeshe Tshibumba tshia Nsentedi tshia dia 1/11. Balayi nende malu adi mu ka mutu ka bualu ka ku tudi mu dibeji dia 16 anyi dia 17, ne mvese nansha umue. Umupeshe bibejibeji, numvuangane bua kulua kukonkonona diandamuna dia lukonko ludi lulonda.

Tshibumba tshia Nsentedi 1/11

“Bamue bantu batu bela meji ne: mibelu ya mu Bible idi itangila kumanyangana kua mulume ne mukaji ikadi mipite tshikondo tshiayi ne kayitshitu ne mushinga to. Kadi bakuabu batu bitaba tshitu Bible wamba. Buebe wewe, udi wela meji kayi? [Lekela muntu andamune.] Umvua mushindu udi mikenji ya Nzambi yamba bua bualu ebu. [Bala 2 Timote 3:16.] Mukanda eu udi uleja mudi Bible ufila mandamuna a nkonko dikumi itu bantu ba bungi badiela bua tshilumbu etshi. Udi kabidi uleja mudi mikenji ya mu Bible ituambuluisha.”

Réveillez-vous! Ngondo wa 11

“Paudi utangila ne ukenketa bimpe bintu bidi bitunyunguluke pa buloba bujima, udi wela meji ne: kudiku muntu udi mubifuke anyi mbilue ku mpukapuka? [Lekela muntu andamune.] Umvua tshidi umue wa ku bafundi ba Mukanda wa Nzambi muambe pakatangilaye bintu bidi mu diulu ne pa buloba. [Bala Lomo 1:20.] Mukanda eu udi uleja mudi malu adi bena siance bapete pa tutupa tukese tua mubidi wa muntu atokesha bualu ebu.”