Mamanyisha

▪ Mikanda ya kufila mu ngondo 4: Tshibumba tshia Nsentedi ne Réveillez-vous! Ngondo 5 ne 6: Bible utu ulongesha tshinyi menemene? Anyi umue wa ku trakte eyi: Bafue badi bulelela mua kulua ne muoyo kabidi anyi?, Buloba ebu budi mu bianza bia nganyi menemene?, Makenga kaakujika anyi?, Tshidi mua kufila disanka mu dîku ntshinyi? Kuenaku musue kupeta mandamuna a nkonko eyi anyi? ne tuadija kulonga Bible ne bantu.

▪ Mu Disambombo dia 31/5/2014 nekuenzeke midimu kampanda ku Betele. Nunku, kanukebi bua kuyaku dituku adi bua kumona mudi midimu yenzeka anyi kumona bena ku Betele nansha.

▪ Tudi tumanyisha bisumbu bionso ne: nuenu basue kulomba mikanda mu Tshisawudi tshia mu Congo, nuenu mua kusua nudi mua kufunda maleta aa ZS mu dilomba dienu dia S-14. Kadi nuenu dijinga ne mikanda ya mu Tshisawudi tshia mu matunga a ku Est kua Afrike, nudi mua kufunda maleta aa SW ku luseke lua mikanda inudi nulomba ne nudi mua kuenza nanku misangu yonso inudi nayi dijinga.

▪ Nushintulule programe wa bisangilu bia lumingu lua kumpala kua lua mpungilu wa distrike anyi wa bantu bafume mu matunga a bungi bua kuambulula mibelu ne malu a kuvuluka bua mpungilu a mu tshisakidila tshia Mudimu wetu wa Bukalenge ne a mu mukanda uvuabu batumine bisumbu bionso wa mu dia 3/8/2013, uvua wakula bua kudimukila njiwu patudi mu bisangilu. Ngondo umue anyi ibidi kunyima kua mpungilu wenu, mu majinga a tshisumbu nudi mua kuambulula malu anuvua bumvue mu mpungilu adi bamanyishi bamone ne: adi mua kubambuluisha mu mudimu wa kuyisha.