Mua kutuadija kulonga ne bantu mu Disambombo dia kumpala dia ngondo 5

“Tudi tuenda tuyukila ne bantu mu minite mikese bua lukonko lua mushinga mukole elu. [Muleje lukonko ludi panyima pa Tshibumba tshia Nsentedi tshia 1/5.] Wewe udi ne mmuenenu kayi?” Lekela muntu andamune. Konkonona nende malu adi muinshi mua lukonko ne bala nende umue wa ku mvese idibu bafile. Mupeshe bibejibeji ne umvuanganayi bua kulua kuyukila nende lukonko ludi lulonda.

Tshibumba tshia Nsentedi 1/5

“Tudi tuenda tutangila bantu mu minite mikese bualu ba bungi badi badienzeja bua kumanya tshikala mua kuenzeka mu matuku atshilualua. Utu udiumvua bishi bua matuku atshilualua? Utuku ne ditekema dia ne: neikale mimpe anyi peshi utu ne buôwa? [Lekela muntu andamune. Pashishe mubadile umue wa ku mvese idi mu kazubu kadi ne tshiena-bualu tshia ne: “Malu adi Nzambi mumanyishe bua matuku atshilualua.”] Tshibejibeji etshi tshidi tshileja amue malu adi Nzambi muleje ne: neikale mua kuenzeka ne tshidi tshiumvuija bua tshinyi tudi ne bua kuikala batuishibue ne: neenzeke.”

Réveillez-vous! Ngondo 5

“Tudi tuenda tukumbula bantu mu minite mikese bua kubambuluisha bua kumanya mua kupita bimpe ne dibungama diabu. Kuenaku umona ne: bantu ba bungi lelu badi ne dibungama kupita mu bikondo bia kale anyi? [Lekela muntu andamune.] Bantu ba bungi mbamone ne: mibelu mimpe ya mu Bible idi ibambuluisha bua kupita bimpe ne dibungama diabu. Tshilejilu, mona tshidi mvese eu wamba. [Bala Matayi 6:34.] Tshibejibeji etshi tshidi tshileja mudi mêyi a mu Bible mua kutuambuluisha bua kupita bimpe ne malu anayi atu akebesha dibungama.”

Dimanyisha: Tshibejibeji etshi tshidi mua kuambuluisha bangenda mushinga bikole.