Mua kutuadija kulonga ne bantu mu Disambombo dia kumpala dia ngondo 6

“Tudi tuenda tutangila bantu mu minite mikese bua kubaleja diandamuna dia lukonko luimpe elu.” [Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/6.] Wewe udi mua kuandamuna bishi? Lekela muntu andamune. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi Ngondo 1/6

“Dinua dia makanya didi dishipa bantu batue ku 6 000 000 tshidimu tshionso. Buebe wewe, kudiku bualu butudi mua kuenza bua bantu kabikadi bafua bungi nunku anyi? [Lekela muntu andamune.] Kukonkonona mmuenenu wa Nzambi bua tshilumbu etshi nkuambuluishe bantu ba bungi bua kulekela dinua makanya. Tshilejilu, mvese eu mmuambuluishe bamue bantu bua kumvua ne: kunua makanya kudi kuenzela bakuabu bibi. [Bala 1 Kolinto 10:24.] Mukanda eu udi uleja mudi kukonkonona mmuenenu wa Nzambi kuambuluisha muntu bua kulekela dinua makanya.”

Réveillez-vous! Ngondo 6

“Miaba ya dipetelangana ku Enternete mmiambuluishe bantu bua kupeta balunda ba ku dîna ba bungi kupita kumpala. Buebe wewe, mulunda muimpe utu ne ngikadilu kayi mutambe bunene? [Lekela muntu andamune.] Tangila umue wa ku mibelu mimpe idi Bible utupesha bua bulunda. [Bala Yakobo 1:19.] Mukanda eu udi uleja mêyi manene a mu Bible anayi adi mua kutuambuluisha bua tuikale bantu badi bakuabu basue kudia nabu bulunda.”