Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga Bible ne bantu: Disambombo dia kumpala dia ngondo 6

Bala Yeshaya 42:8. Pashishe wambe ne: “Bilondeshile mvese eu, Nzambi udi ne dîna. Udiku umona ne: mbimpe tuikale tuenza mudimu ne dîna dia Nzambi anyi? [Lekela muntu andamune.] Tangila tshidi mukanda eu wamba.” Pesha muntu Tshibumba tshia Nsentedi tshia dia 1/6/2012, nubale nende malu adi mu ka mutu ka bualu ka kumpala kadi mu dibeji dia 16. Umupeshe bibejibeji, numvuangane bua kulua kukonkonona lukonko ludi lulonda.

Tshibumba tshia Nsentedi 1/6

“Ndi musue kumanyaku tshiudi wela meji bua bualu bua mushinga ebu. [Bulula mu dibeji 3, umuleje malu adibu batelamu.] Bilondeshile malu aa, wewe utu umona Bible mushindu kayi? [Lekela muntu andamune.] Tangila tshidi Bible nkayende wamba. [Bala Lomo 15:4.] Mukanda eu udi uleja malu atanu adi aleja mudi Bible muikale mukanda wa pa buawu, uleja kabidi mudiye mua kutuambuluisha.”

Réveillez-vous! Ngondo 6

“Tshidimu tshionso etshi, bantu ba bungi batu basama bualu batu badia biakudia bibi. Buebe wewe, biakudia bionso bitu bantu badia muetu munemu, mbimpe anyi? [Lekela muntu andamune.] Mukanda eu udi uleja mishindu inayi idi mua kutuambuluisha bua kuepula bena mu dîku dietu ku biakudia bidi mua kubakebela masama. Udi wakula kabidi bua mulayi wa mu Bible udi uleja ne: mu katupa kîpi emu, muntu yonso neikale ne biakudia bimpe bia bungi.” Bala Musambu wa 104:14, 15.