Mua kutuadija kulonga ne bantu mu Disambombo dia kumpala dia ngondo wa 7

“Buebe wewe, Nzambi utu umona masambila etu bishi? Utu uangata ne mushinga anyi peshi utu ualengula?” Lekela muntu andamune. Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/7. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/7

“Bu mudi Nzambi wa Bukole buonso, buebe wewe, yeye ke utudi ne bua kuela tshilumbu pambidi bua malu mabi onso adi enzeka pa buloba apa anyi? [Lekela muntu andamune. Pashishe bala Yakobo 1:13.] Mukanda eu udi umvuija bua tshinyi malu mabi adi enzeka ne tshienza Nzambi bua kujikija malu mabi ne makenga.”

Réveillez-vous! Ngondo wa 7

“Muntu yonso udi wenda eu ukadiku anu mupete anyi neapete imue ntatu mikole, bu mudi tshikumina tshitu tshinyangakaja bintu, disama dikole anyi difuisha muntu udiye munange bikole. Buebe wewe, mbimpe kuikala ne mmuenenu muimpe padi malu a nunku enzeka anyi? [Lekela muntu andamune.] Bua bantu ba bungi, Bible mmukanda udi ubambuluisha bua kutantamena ntatu. [Bala Lomo 15:4.] Mukanda eu udi uleja mudi Bible mua kutuambuluisha patudi mu ntatu.”