Mua kutuadija kulonga ne bantu mu Disambombo dia kumpala dia ngondo wa 10

“Tudi tuenda tutangila bantu bua kuyukila nabu mu minite mikese bua mbulamatadi mulenga. Udiku umona ne: kudi mua kuikala mbulamatadi udi mua kujikija ntatu ya bantu, kumbusha bu mudi tshikisu ne malu mabi anyi?” Lekela muntu andamune. Uvuluije muntu ne: Yezu uvua mulongeshe bayidi bende mu disambila dia Tatu wetu bua kusambila bua mbulamatadi eu anyi Bukalenge bua Nzambi kuluabu. Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/10. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/10

“Tudi tuenda tuyukila ne bantu mu minite mikese bua mêyi aa adi mu disambila ditubu bamanye bimpe divua Yezu mulongeshe bayidi bende. [Bala Matayi 6:9, 10.] Utuku mumanye bimpe tshidi Bukalenge bua Nzambi ne tshivua tshisaka Yezu bua kutamba kuakula bua Bukalenge ebu pavuaye ulongesha anyi? [Lekela muntu andamune.] Mukanda eu udi uleja tshidi Bible wamba bua Bukalenge bua Nzambi, uleja kabidi ne malu mimpe ikalabu mua kutuadila bantu.”

Réveillez-vous! Ngondo wa 10

“Tudi tuenda tutangila bantu bua kubambuluisha mu minite mikese bua bapete diandamuna dia lukonko elu. [Leja muntu pamutu pa tshibejibeji.] Buebe wewe, bua muntu kututaye diakalenga mu nsombelu wende, udi ne bua kuikala anu mubanji anyi? [Lekela muntu andamune.] Bible udi uleja mmuenenu muimpe wa bintu bia ku mubidi utudi ne bua kuikala nende. [Bala Luka 12:15.] Bilondeshile Bible, muntu yonso udi mua kututa diakalenga. Ke tshidi mukanda eu wamba.”