Tuakajayi mishindu yetu ya kuyisha: Tuleje bantu mua kulonga Bible ne mukanda wa Bible ulongesha

Mushinga: Patutu tulomba bantu bua kulonga nabu Bible tshianana, ba bungi kabatu bumvua tshitutu tusua kuamba to. Badi mua kuela meji ne: tutu tubalomba bua kubuela mu kasumbu kampanda anyi kufundilangana mikanda bua kulonga malu kansanga. Pamutu pa kulomba muntu patupu bua kulonga nende Bible, mbimpe kumuleja mutu dilonga dienzeka. Mu minite mikese tshianana, nansha nuenu bimanyine kuulu, udi mua kuleja muntu mudi dilonga dia Bible dikale bualu bupepele ne bua mushinga mukole.

Mushindu wa kuenza malu:

Wewe mumane kudimanyisha kudi muntu, umuebeje bikalaye udikonka bua tshidiye muindile kumpala eku.
Umuleje ne: bantu ba bungi badi pabu ne malu a muomumue, pashishe umuleje tshikebelu tshidi mu mukanda wa Bible ulongesha. Umumvuije ne: mukanda eu udi ne malongesha mapepele adi aleja tshidi Bible ulongesha bua matuku atshilualua ne bua biena-bualu bikuabu, mpindieu umukonke bua asungule nshapita udi umusankisha.
Umupeshe wende mukanda, nuye nende mu nshapita udiye musungule. Umuambile ne: mbandamune nkonko idi ku ntuadijilu kua nshapita mu bikoso.
Ulombe muntu bua kubala tshikoso tshia kumpala pikalabi kabiyi mua kumutonda. Pashishe ubale lukonko lua tshikoso atshi, nukebe bonso diandamuna. Nubale ne numvuije mvese idi ipetangana ne diandamuna. Umuleje mu mukanda webe muudi muele kashonyi pa diandamuna.
Nuye mu tshikoso tshidi tshilonda, kadi bua mpindieu umulombe bua andamune lukonko mu ende mêyi.
Umuele tuasakidila, pashishe numvuangane bua kulua kujikija nshapita au.
Padiku mushindu, umuleje filme wa Mmushindu kayi utu dilonga dia Bible dienzeka?

Tshitudi mua kuenza mu ngondo eu:

Ulombe Yehowa bua abeneshe bionso biudi wenza bua kutuadija kulonga Bible ne bantu.—Filip. 2:13.
Uleje bantu mua kulonga Bible ne mukanda wa Bible ulongesha anyi ubaleje filme wa Mmushindu kayi utu dilonga dia Bible dienzeka? musangu nansha umue paudi mu buambi.