Programe wa lumingu lua dia 15/12
LUMINGU LUA DIA 15/12
Musambu 1 ne disambila
Dilonga dia Bible dia Tshisumbu:
cl nshap. 17 §9-16 (Min. 30)
Kalasa ka Mudimu wa Nzambi:
Dibala dia Bible: Yoshua 6-8 (Min. 10)
No. 1: Yoshua 8:18-29 (Min. 4 anyi mikese)
No. 2: Tshidi tshileja ne: muntu kampanda udi ne nyuma muimpe ntshinyi?—rs-F dib. 137 §1-4 (Min. 5)
No. 3: Muluishi—Satana Diabolo ke muluishi munene wetu bonso—it-1-F dib. 52, Adversaire (Min. 5)
Tshisangilu tshia Mudimu:
Tshiena-bualu tshia ngondo eu: Tupatulayi “bintu bimpe” bidibu batupeshe bidi mu tshibutshilu tshietu tshimpe.—Mat. 12:35a.
Min. 15: “Tulombolayi malonga a Bible mimpe.” Mu nkonko ne mandamuna. Panudi nujikija kukonkonona tshikoso 3, wenzeje dinaya dia bitupa 2 dia mumanyishi ne mulongi bayukila mu tshikoso tshia 8 tshia nshapita wa 15 mu mukanda wa Bible ulongesha. Mu tshia kumpala, mumanyishi udi wakula bia bungi. Mu tshibidi, mumanyishi udi wela mulongi nkonko mikuabu bua kumanya tshidiye wela meji.
Min. 15: Tshiena-bualu tshidi tshikuambuluisha bua kudilongolola bua kulombola malonga a Bible. Diyukidilangana ne bateleji. Ukoke ntema ya bantu mu tshitupa tshia “Qu’enseigne la Bible?” tshidi mu jw.org. (Tangila muinshi mua MALONGESHA A MU BIBLE > BANSONGA.) Nuyukidilangane bua munudi mua kuenza mudimu ne malu adi mu tshitupa etshi bua anuambuluishe bua kulonga Bible bimpe ne bana ne bakole. Mmunyi mudi nkonko idi mu tshitupa etshi mua kutuambuluisha bua kulenga muoyo wa mulongi? Wenzeje dinaya dia mumanyishi udiakuila udiela nkonko eyi bua imuambuluishe bua kuela meji ku majinga a mulongi bua kulongolola nkonko mimpe. Bikala bamanyishi ba mu tshisumbu tshienu kabayi ne tshibidilu tshia kubuela mu Enternete, nuenze diyukidilangana didi ne tshiena-bualu ne: “Tudilongololayi bua kulombola malonga a Bible,” dimanyine mu nshapita wa 1 wa Bible ulongesha. Diyukidilangana dienu dimanyina pa nkonko idi ilonda eyi: 1) Mmunyi muudi mua kuandamuna muntu udi wamba ne: Nzambi utu ukengesha bantu babi bua kubanyoka? Udi mua kumubadila mvese kayi? Bua tshinyi udi munange amu mvese au? 2) Mmunyi muudi mua kuandamuna muntu udi wamba ne: bikala Nzambi ututabalela, si uvua mua kuenza bua malu mabi kaenzeki to, bualu ngua bukole buonso? Udi mua kumubadila mvese kayi? Bua tshinyi udi munange amu mvese au? Bua kujikija ulombe bateleji bua badienzeje bua kulenga mioyo ya balongi, benze mudimu ne bintu bimpe bitudi nabi bua kuambuluisha bakuabu. Nunku nebalue balongeshi bimpe.—Nsu. 20:5.
Musambu 99 ne disambila