Tusakanganayi ku bienzedi bimpe ne tshisumi tshionso

Ebelu 10:24 udi utukankamija ne: “Tutabalelanganayi muntu ne muntu bua kusakangana ku dinanga ne ku bienzedi bimpe.” Tshilejilu tshietu ne mushindu utudi tuleja ditabuja bidi mua kukankamija bana betu. Ambila bana benu banudi nabu mu tshisumbu malu aukadi mumonamone. Bikale badimuenena disanka diudi nadi paudi wenzela Yehowa mudimu. Kadi, kuikadi udifuanyikija nabu anyi ubafuanyikija ne bakuabu to. (Gal. 6:4) Keba mua kuenza mudimu ne bukole buebe bua kusaka bakuabu “ku dinanga ne ku bienzedi bimpe,” kadi ki mbua kudipishabu ne kuikala ne bienzedi bimpe to. (Bala Mukanda wa Kalasa ka mudimu dib. 158, tshik. 4.) Tuetu tusaka bakuabu ku dinanga, bienzedi bikuabu, bu mudi kuambuluisha bakuabu ne bintu bia ku mubidi anyi kuyisha nebidiluile nkayabi.​—2 Kol. 1:24.