Diambulula dia mu Kalasa ka Mudimu wa Nzambi
Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 27 ngondo 4 wa 2015. Mbaleje dituku dia ngondo didi dileja lumingu lunuvua balonge malu adi ne diandamuna dia lukonko bua bantu bende benza makebulula padibu badilongolola lumingu luonso bua kalasa.
Dinanga dia lulamatu ndinanga dia mushindu kayi? Mmu malu kayi a mu nsombelu mudidi ne mushinga wa bungi? (Luta 1:16, 17) [2/3, ia dib. 38 tshik. 19]
Bavua babikila Luta ne: ‘mukaji wa ngikadilu mimpe.’ Uvua mupete lumu elu mushindu kayi? (Luta 3:11, MMM) [2/3, ia dib. 48 tshik. 21]
Patudi tutuilangana ne ntatu, mmushindu kayi udi tshilejilu tshia Hana mua kutuambuluisha? (1 Sam. 1:16-18) [9/3, w07 15/3 dib. 16 tshik. 4-5]
Pavua Samuele muana wenda ‘ukola kumpala kua Yehowa,’ ntshinyi tshivua tshimukube bua kubenga kuidikija tshilejilu tshibi tshia bana ba Eliya? (1 Sam. 2:21, MMM) [9/3, ia dib. 62, 63 tshik. 16-17]
Shaula uvua mubenge bua kuenza malu mu tshiputuku kayi muele meji pavua ‘bantu bakuabu balembakane’ babenge bumfumu buende. Mmunyi mudi bualu ebu mua kutuambuluisha? (1 Sam. 10:22, 27) [23/3, w05 15/3 dib. 23 tshik. 1]
Mbualu kayi bua mushinga butudi tulongela ku tshilema tshivua Shaula muenze tshia kumona ne: mulambu uvua mua kupingana pa muaba wa ditumikila Yehowa? (1 Sam. 15:22, 23) [30/3, w07 15/6 dib. 26 tshik. 3-4]
Bua tshinyi tudi tukola ku muoyo patudi tumanya ne: Yehowa udi ‘umona mu mutshima’ wa muntu? (1 Sam. 16:7) [6/4, w10 1/7 dib. 17 tshik. 7]
Bilondeshile Nsumuinu 1:4, mbintu kayi bitudi nabi bidi Yehowa mutekemene ne: netukuate nabi mudimu patudi kumpala kua nsombelu mikole? (1 Sam. 21:12, 13) [13/4, w05 15/3 dib. 24 tshik. 5]
Bua tshinyi tudi mua kuamba ne: Abigayila kavua utombokela bumfumu bua bayende pavuaye mupeshe Davidi ne bantu bende biakudia? (1 Sam. 25:10, 11, 18, 19) [20/4, ia dib. 80 tshik. 16]
Abigayila wakalomba luse bua bualu buvuaye kayi muenze. Ntshinyi tshitudi tulongela ku tshilejilu tshiende? (1 Sam. 25:24) [20/4, w02 1/11 dib. 5 tshik. 1, 4]