Tuakajayi mishindu yetu ya kuyisha: Tulongeshayi balongi betu ba Bible bua bikale badilongela
Mushinga: Bua balongi ba Bible kukolabu mu nyuma, kabena anu ne bua kudisha lungenyi luabu ne muoyo wabu ne malongesha a nshindamenu adi mu Dîyi dia Nzambi nkayawu to. (Eb. 5:12–6:1) Bua kudilongela bidi bikengela kudienzeja bikole. Mbimpe kumona mudi malu mapiamapia apetangana ne malu atukadi bamanye ne kujingulula mushinga wawu. (Nsu. 2:1-6) Kulonga mua kudienzela makebulula nekuambuluishe balongi bua kuandamuna nkonko ya malu a mu Bible ku diambuluisha dia mikanda yetu. Padibu badienzeja ne muoyo mujima bua kutumikila malu adibu balonga, nebibambuluishe bua kutantamena mateta apetabu paluabu bena Kristo.—Luka 6:47, 48.
Tshitudi mua kuenza mu ngondo eu:
Ku ndekelu kua kamutu ka bualu anyi kua nshapita, ebeja mulongi bua ambe malu adiye mulonge mu mêyi makese. Wewe kuyi ne mulongi wa Bible, umvuija mvese kampanda anyi tshikoso kampanda tshia mu Tshibumba tshia Nsentedi mu mêyi makese bua kulengeja ngumvuilu wa malu audi ubala.