Dîyi dia Nzambi didiku ne bukole mu nsombelu webe dituku dionso anyi?

Kubala Bible dituku dionso kudi kutuambuluisha bua kuela “miji” ne ‘kujalama mu ditabuja.’ (Kolos. 2:6, 7) Kadi bua Dîyi dia Nzambi kuikaladi ne bukole mu nsombelu wetu, tudi ne bua kuelelanganamu meji ne kutumikila mêyi manene adimu. (Eb. 4:12; Yak. 1:22-25) Yoshua 1:8 (NWT) udi utuleja malu asatu mimpe a kuenza patudi tubala: 1) Bala Dîyi dia Nzambi ‘munya ne butuku.’ 2) Udibale ne ‘dîyi dia panshipanshi’ mu mushindu udi ukuambuluisha bua kuelangana meji ne kudifuanyikijila muaba ne nsombelu ya biudi ubala. 3) Utumikile ‘malu onso adibu bafundamu’ ne muoyo mujima. Kulonda malu aa nekutuambuluishe bua ‘malu etu ende bimpe’ ne ‘tuenze malu ne meji’ mu nsombelu wetu wa buatshia buila.