Diakalenga ditudi nadi dia kuibaka miaba ya ntendelelu mulelela ne kuyilama bimpe

Kuibaka kua ntempelo wa mu Isalele kuvua kulomba mudimu wa bungi ne makuta a bungi. Nansha nanku, bena Isalele bakadifila bobu ne bintu biabu ku mudimu au ne tshisumi. (1Ku 29:2-9; 2Ku 6:7, 8) Pakavua ntempelo mujike, mushindu uvua bena Isalele mua kumulama uvua uleja muvuabu mu malanda mimpe anyi mabi ne Yehowa. (2Bk 22:3-6; 2Ku 28:24; 29:3) Lelu eu bena Kristo badi bafila dîba diabu dia bungi ne bukole buabu bua kuibaka Nzubu ya Bukalenge ne Nzubu ya Mpuilu, bua kutekamu mankenda, ne bua kuyilama bimpe. Kuenza mudimu pamue ne Yehowa mushindu au ndiakalenga ditambe bunene ditudi nadi ne ntshitupa tshia mudimu wetu wa tshijila.​—Ms 127:1; Bua 7:15.

TUDI PETU MUA KUAMBULUISHA PATUDI:

• 

  Tulongolola mu Nzubu wetu wa Bukalenge panyima pa bisangilu bionso. Patuikala katuyi ne mushindu, tudi mua kuakaja kaba katuvua basombele bua kashale ne mankenda.

• 

  Tuteka mankenda ku Nzubu wetu wa Bukalenge ne tumulama bimpe misangu yonso. Padi bantu ba bungi benza mudimu eu, udi ulua mupepele ne ufila disanka.​—lv 92-93 §18.

• 

  Tufilaku dietu dikuta. Nansha tuetu tufila “tukuta tubidi tua mushinga mukese” ne muoyo wetu mujima, Yehowa udi usanka.​—Mâk 12:41-44.

• 

  Tudifilaku ku budisuile bua kuambuluisha mu mudimu wa dibaka ne diakajulula dia miaba yetu ya ntendelelu patudi ne mushindu. Bua kuenza midimu eyi kabiena bikengela anu bua wikale mumanye dibaka to.