Mmuntu kayi wasomba mu nzubu wa ntenta wa Yehowa?

Bua muntu kusomba mu nzubu wa ntenta wa Yehowa udi ne bua kuikala mulunda wa Nzambi, umueyemena ne umutumikila. Musambu wa 15 udi uleja malu adi Yehowa musue bua mulunda wende enze.

MUNTU UDI USOMBA MU NZUBU WA YEHOWA UDI NE BUA

• kuikala ne muoyo mutoke

• kuamba bulelela nansha mu muoyo wende

• kunemeka batendeledi nende ba Yehowa

• kukumbaja mêyi ende nansha biobi bikole

• kuambuluisha bantu badi dijinga ne diambuluisha, kayi utekemena tshintu kudibu

MUNTU UDI USOMBA MU NZUBU WA YEHOWA KENA NE BUA

• kujanangana ne kushiminyinangana malu

• kuenzela muntu nende bibi

• kudiila bena Kristo nende pambidi

• kudia bulunda ne bantu badi kabayi batendelela Yehowa ne bamutumikila

• kuitaba bua bamukose mishiku