Mishindu ya kuenza mudimu ne JW Library

BUA KULONGA:

• Bala Bible ne mvese wa ku dituku

• Bala mukanda wa Annuaire, bibejibeji, ne mikanda yetu mikuabu. Teka kamanyinu miaba iudi mubale

• Longolola bisangilu bia tshisumbu, wele mishonyi pa mandamuna

• Tangila filme

MU BISANGILU:

• Bala mvese idi ngamba-malu wamba bua kubala. Tuta pa tshitupa tshia malu aukavua mubale bua kupetulula mvese

• Pamutu pa kuya ne mikanda ya bungi mu bisangilu, angata telefone anyi tablete webe bua kulondesha bitupa bishilashilangane ne kuimba misambu. Mu JW Library mudi misambu mipiamipia idi kayiyi mianji kuikala mu mukanda wa misambu

MU BUAMBI:

• Leja muntu udi witaba bulelela bualu kampanda mu JW Library, pashishe umuleje mua kuambula programe eu ne mikanda yetu, kubiela mu telefone anyi mu tablete wende

• Buela muaba wa dikebela bua kupeta mvese. Tshiambilu kampanda tshiotshi katshiyi mu Nkudimuinu wa bulongolodi bupiabupia muakajilula (Angl.), udi mua kuya mu Bible avec notes et références bua kukebamu kabidi

• Muleja filme. Bikalaye ne bana, udi mua kuela filme umue wa Ikala mulunda wa Yehowa, anyi kumuleja filme wa Bua tshinyi kulonga Bible? bua apete dijinga dia kulonga Bible. Yeye wakula muakulu mukuabu, umuleje filme mu muakulu wende

• Leja muntu mvese mu muakulu mukuabu mu Bible uukavua muambule mu tshiamua tshiebe. Buela muaba udi mvese, utute pa nomba wa mvese, pashishe tuta pa kamanyinu kadi kaleja nkudimuinu mikuabu