Tshikena kumona tshidi tshikolesha ditabuja dietu

9:1-7

Elabi meji muvua Yezu mua kuikala mudiumvue pakumvuaye Tatuende wa mu diulu wamba dîba divuaye mukudimuke adi ne: uvua umuanyisha. Bivua ne bua kuikala bikoleshe Yezu bikole bua kutantamena ntatu ivua mimuindile. Tshikena kumona etshi tshiakakolesha kabidi Petelo, Yakobo, ne Yone bikole. Tshiakabajadikila ne: Yezu uvua bushuwa Masiya, ne bavua ne bua kumuteleja. Bidimu bitue ku 32 bimane kupita, Petelo utshivua anu uvuluka bualu buvuaye mumone abu, ne buakakolesha ditabuja divuaye nadi mu “dîyi dia buprofete.”—2Pt 1:16-19.

Nansha mutuvua katuyi petu bamone tshikena kumona atshi, tudi tumona dikumbana diatshi. Yezu udi mpindieu ukokesha bu Mukalenge wa bukole. Mu katupa kîpi emu, ‘neamane ditshimuna diende,’ unzuluila bantu bakane njila wa kubuela mu bulongolodi bupiabupia.—Bua 6:2.

Mmushindu kayi udi kumona dikumbana dia mêyi a buprofete a mu Bible kukoleshe ditabuja diebe?