Malu adibu baledile mu Mabeji a Tshisangilu tshia Nsombelu ne mudimu wetu
LUMINGU LUA DIA 6-12/8
BIUMA BIA MU DÎYI DIA NZAMBI | LUKA 17-18
“Ikala ne dianyisha”
mamanyisha a mu nwtsty bua Luk 17:12, 14
bantu dikumi bavua ne nsudi: Bidi bimueneka ne: mu tshikondo tshivuabu bafunda Bible, bena nsudi bavua badisangisha pamue anyi basomba mu tusumbu, bienza bua bambuluishangane. (2Bk 7:3-5) Mikenji ya Nzambi ivua ilomba bua bena nsudi basombele pa nkayabu. Muena nsudi uvua kabidi ne bua kudimuija bakuabu pavuaye ufika muaba kampanda, wela dîyi ne: “Ndi mukoya, ndi mukoya!” (Lew 13:45, 46) Mu diumvuangana ne tshivua Mikenji yamba, bena nsudi bakasambakena ne Yezu bimanyine pa bule.—Bala dimanyisha dia mu nwtsty bua Mat 8:2, bala kabidi Diumvuija dia miaku ya mu Bible, “Nsudi; muena nsudi.”
Ndayi, nudileje kudi bakuidi: Pavua Yezu Kristo pa buloba uvua muinshi mua Mikenji ya Mose, uvua witaba mudimu wa buakuidi uvua bena mu ndelanganyi ya Alona benza, ke yeye kuambila bena nsudi bavuaye muondope abu bua baye kudi bakuidi. (Mat 8:4; Mâk 1:44) Bilondeshile Mikenji ya Mose, muakuidi uvua ne bua kukenketa muena nsudi au bua kumona ni bavua bamuondope. Pashishe muena nsudi au uvua uya ku ntempelo bua kulambulamu nyunyi mikezuke ibidi ya muoyo, mutshi wa sedre, buanda bukunze kunzuu, ne tumitshi tua izope.—Lew 14:2-32.
Bua tshinyi kuikala ne dianyisha?
Dikeba bubanji bua mu Dîyi dia Nzambi
dimanyisha dia mu nwtsty bua Luk 17:10
ba tshianana: Ku mua., “kabayi bambuluisha ku tshintu; badi kabayi ne mushinga.” Mu tshilejilu etshi, Yezu kavua usua kufila dilongesha dia ne: bapika, mmumue ne: bayidi bende, badimone kabayi ne mushinga anyi kabayi ne bua nsongo to. Muaba eu, tshiambilu tshia ne: “ba tshianana” tshidi ne lungenyi lua ne: bapika aba badimone bapuekele, kabayi bakumbanyine difutu kampanda anyi butumbi to. Bamue bamanyi ba malu a mu Bible badi bangata tshiambilu tshidi muaba eu mu ngumvuilu wa mu tshimfuanyi bua kuamba ne: “tudi anu bapika ba patupu, katuena bakumbanyine dituenzela malu a pa buawu to.”
dimanyisha dia mu nwtsty bua Luk 18:8
ditabuja edi: Anyi “ditabuja dia mushindu eu.” Ku mua.: “ditabuja [adi].” Mu tshiena Greke mbateke kanungu kadi kasunguluja tshintu kumpala kua muaku “ditabuja” bua kuleja ne: Yezu kavua wakula bua ditabuja dietu dionso edi to, kadi uvua wakula bua ditabuja kampanda disunguluke, dia buena dia mukaji mukamba wa mu tshilejilu tshiende. (Luk 18:1-8) Ditabuja adi divua mua kukongoloja kuitabuja bukole budi nabu disambila ne kuitabuja ne: Nzambi neenze bua tshilumbu tshia bantu badiye musungule tshikoshibue mu buakane. Bidi bimueneka ne: Yezu uvua mushiye lukonko ludi lutangila ditabuja alu kaluyi ne diandamuna bua bayidi bende bele diabu ditabuja ku tshipimu. Tshilejilu tshidi tshitangila disambila ne ditabuja etshi tshivua tshifike pa dîba diatshi menemene bualu Yezu uvua ufuma ku diumvuija mateta avua bayidi bende ne bua kutuilangana nawu.—Luk 17:22-37.
Dibala dia Bible
LUMINGU LUA DIA 13-19/8
BIUMA BIA MU DÎYI DIA NZAMBI | LUKA 19-20
“Longela malu mu tshilejilu tshia makuta a mina dikumi”
Tshilejilu tshia Yezu tshia mina dikumi
Tshilejilu tshia Yezu tshia mina dikumi
Tshilejilu tshia Yezu tshia mina dikumi
Dikeba bubanji bua mu Dîyi dia Nzambi
dimanyisha dia mu nwtsty bua Luk 19:43
lupangu lukole lua mitshi misongoloke: Anyi “tshipangu.” Mu Mifundu ya tshiena Greke ya buena Kristo yonso, anu muaba eu ke udibu batele muaku kharax. Udi umvuija “mutshi musongoloke anyi mulonda utubu benza nawu tshipangu muaba kampanda; peshi mutshi,” udi umvuija kabidi “muaba utu basalayi basombela, muasa ne mitshi minyunguluke, anyi tshipangu.” Mêyi a Yezu aa akakumbana mu tshidimu tshia 70 yeye mumane kuya mu diulu, pakasa bena Lomo tshimanu anyi tshipangu mu Yelushalema balombola kudi Titus. Titus uvua muase tshimanu atshi bua malu asatu: bua kupangisha bena Yuda bua kabanyemi, kubasaka bua kudifila bobu nkayabu, ne kukengesha bena mu tshimenga bua dipangila bintu bivuabu bakengela. Bua kupeta bia kuasa nabi tshipangu tshivua tshinyunguluke Yelushalema atshi, basalayi bena Lomo bakakosa mitshi yonso ivua pambelu pa tshimenga.
dimanyisha dia mu nwtsty bua Luk 20:38
bualu ku mêsu kuende, buonso buabu badi ne muoyo: Anyi “buende yeye bonso buabu badi ne muoyo.” Bible udi uleja ne: bantu badi ne muoyo kadi kabayi mu malanda ne Nzambi, ku mêsu kuende mbafue. (Ef 2:1; 1Tm 5:6) Bia muomumue, batendeledi ba Nzambi badi bafue, ku mêsu kuende yeye batshidi anu ne muoyo, bualu neababishe ku lufu anu mukadiye mumane kulongolola.—Lom 4:16, 17.
Dibala dia Bible
LUMINGU LUA DIA 20-26/8
BIUMA BIA MU DÎYI DIA NZAMBI | LUKA 21-22
“Dipikudibua dienu didi dienda disemena pabuipi”
Bukalenge bua Nzambi budi bumbusha baluishi babu
Nudisuike bua ‘kutungunuka ne kunangangana bu bana ba muntu’
“Dipikudibua dienu dikadi pabuipi”!
Dikeba bubanji bua mu Dîyi dia Nzambi
mamanyisha a mu nwtsty bua Luk 21:33
Diulu ne buloba nebipite: Mikuabu mvese idi yoyi ileja ne: diulu ne buloba nebishalaku kashidi. (Gen 9:16; Mis 104:5; Mbi 1:4) Nanku mêyi a Yezu aa adi amueneka ne: nga mu tshimfuanyi, adi umvuija ne: nansha bia kumona lufu, nansha bu diulu ne buloba mua kujimina, mêyi a Yezu wowu avua anu ne bua kukumbana. (Tangila kabidi Mat 5:18.) Nansha nanku, diulu ne buloba bidibu batele muaba eu bidi mua kuikala bileja kabidi diulu ne buloba bidibu babikila ne: “diulu dia kale ne buloba bua kale” mu Bua 21:1.
mêyi anyi kaakupita nansha kakese: Anyi “bushuwa mêyi anyi kaakupita nansha.” Mu tshiena Greke mbele miaku ibidi ya dibenga nayi bualu mu tshiambilu etshi, bua kushindika ne muoyo mujima lungenyi lua ne: mêyi a Yezu adi ashalaku kashidi.
Nenuikale ‘bukalenge bua bakuidi’
Dibala dia Bible
LUMINGU LUA DIA 27/8–2/9
BIUMA BIA MU DÎYI DIA NZAMBI | LUKA 23-24
“Ikala mudiakaje bua kufuilangana luse”
“Kumanya dinanga dia Kristo”
g-F 2/08 11 §5, 6
Nzambi utu ufuila bantu badi benza mpekatu minene luse anyi?
Yehowa katu umona anu mpekatu udi muntu wenza to, utu utangila kabidi mudi muntu au umona mpekatu wende. (Yes 1:16-19) Anji elabi meji bua benzavi babidi bavuabu bapopele pa mitshi ku luseke lua Yezu. Bidi bimueneka ne: bonso bavua benze malu mabi manene, bualu umue wakamba ne: “tudi tupeta tshidi tshitukumbanyine bua malu atuvua benze; kadi muntu eu [Yezu] kavua muenze bualu bubi nansha bumue to.” Mêyi a muenji wa malu mabi eu adi aleja ne: uvua mumanye malu kampanda avua atangila Yezu. Pamuapa malu avuaye mumanye au ke avua mamusake bua kushintulula mmuenenu wende wa malu. Dishintuluka adi didi dimuenekela mu mêyi akambaye pashishe pavuaye usengelela Yezu ne: “umvuluke pawabuela mu Bukalenge buebe.” Mmunyi muakandamuna Yezu ku dilomba dia kanemu ne muoyo mujima adi? Wakamuambila ne: “Bulelela, ndi nkuambila lelu ne: newikale nanyi mu Mparadizu.”—Luk 23:41-43.
Anji elabi meji: mu mêyi a ndekelu avua Yezu muakule pa buloba apa muvua mêyi a difuila nawu muntu uvua muitabe tshibawu tshia lufu tshivuabu bamukosele. Bidi bitukolesha ku muoyo bikole! Nanku tudi bashindike ne: bantu bonso badi banyingalala ne muoyo mujima bua bienzedi biabu bia kale, Yezu Kristo ne Tatuende Yehowa nebabafuile luse.—Lomo 4:7.
“Kumanya dinanga dia Kristo”
Dikeba bubanji bua mu Dîyi dia Nzambi
dimanyisha dia mu nwtsty bua Luk 23:31
patshidi mutshi mubishi, . . . pumawu: Bidi bimueneka ne: Yezu uvua wakula bua tshisamba tshia Yuda. Tshisamba atshi tshivua bu mutshi uvua wenda uma kadi muikale utshidi ne ndambu wa mâyi, bualu Yezu ne bena Yuda bakuabu bavua bamuitabuje batshivuaku. Nansha nanku, bavua ne bua kushipa Yezu mu matuku makese ne kuela bena Yuda ba lulamatu manyi a nyuma muimpe bua kuluabu bena Isalele wa mu nyuma. (Lom 2:28, 29; Gal 6:16) Tshikondo atshi tshisamba tshia Isalele wa ku mubidi tshivua ne bua kufua mu nyuma, tshifuanangana ne mutshi mume.—Mat 21:43.
bindidimbi bia mu nwtsty
Musonso mubueja mu tshikankanyi
Foto eu ngua muntu uvuabu babueje musonso wa santimetre 11,5 mu tshikankanyi. Foto wa kale eu ngua katshia ku tshikondo tshia bena Lomo, bavua bamuangule mu 1968 ku nord kua Yelushalema pavuabu bumbula bintu mu buloba. Udi ufila tshijadiki tshia ne: ku kale bavua mua kuikala bakudika muntu ku mutshi ne misonso pavuabu bamushipa. Musonso eu udi mua kuikala mufuanangane ne misonso ivua bena Lomo bakudike nayi Yezu Kristo ku mutshi. Bavua bapete foto eu mu kashete ka dibue muvua mifuba miume ya mufue kampanda ivuabu bateke pakavua mubidi wende mumane kubola. Bualu ebu budi buleja ne: bavua bajiika muntu uvuabu bakudika ku mutshi.
Dibala dia Bible