Tuambuluishe bantu badi “bakaje muoyo wabu bimpe” bua balue bayidi

BUA TSHINYI?: Yehowa ke udi wenza bua ntete ya bulelela ikole mu mioyo ya bantu badi “bakaje muoyo wabu bimpe bua kupeta muoyo wa tshiendelele.” (Bz 13:48; 1Ko 3:7) Tudi tuenza nende mudimu pamue mu buambi patudi tutamba kuyisha bantu badi basue kutumikila bitudi tubalongesha. (1Ko 9:26) Mbimpe balongi ba Bible bamanye ne: bua muntu kupanduka bidi bikengela abatijibue. (1Pt 3:21) Tudi tubambuluisha bua balue bayidi patudi tubalongesha bua bashintulule nsombelu wabu, bua bikale bayisha ne balongesha, ne bua badilambule kudi Yehowa.—Mat 28:19, 20.

TSHIA KUENZA:

• Vuluija balongi ba Bible ne: tudi tulonga nabu bua kubambuluisha bua ‘bende bamanya’ Yehowa ne bua bamusankishe.—Yne 17:3

• Bambuluisha bua bepuke malu adi mua kubapangisha bua kuya kumpala mu nyuma, bu mudi bibidilu bibi, ne balunda babi

• Bakolesha, ubakankamije kumpala kua bobu kubatijibua nansha panyima pa dibatijibua diabu.—Bz 14:22

NUTANGILE FILME WA YEHOWA NZAMBI NEAKUAMBULUISHE, PASHISHE NUANDAMUNE NKONKO EYI:

• Ntshinyi tshidi mua kuenza muntu buôwa, tshimukanda bua kudilambula ne kubatijibua?

• Bakulu badi mua kuambuluisha balongi ba Bible bua kuya kumpala mu nyuma mushindu kayi?

• Yeshaya 41:10 udi utulongesha tshinyi bua Yehowa?

• Nngikadilu kayi mimpe yatuambuluisha bua kuenzela Yehowa mudimu mu mushindu udiye wanyisha nansha mutudi bapange bupuangane?