Udi pebe mua kuyisha ne kulongesha

Ku ntuadijilu Mose uvua welakana, kayi mutuishibue ne: uvua mua kukumbaja mudimu uvua Yehowa mumupeshe to. (Eks 4:10, 13) Ukadi pebe mudiumvue anu bu Mose anyi? Utu ulonga Bible ne Bantemu ba Yehowa anyi? Utu udiebeja bua kumanya ni wadiakuyishaku pebe ku nzubu ne ku nzubu dimue dituku anyi? Peshi pamuapa utshidi nsonga ne umvua bundu bua kuyisha balongi nebe mu kalasa. Anyi udi mua kuikala ne buôwa bua kuyisha ku telefone anyi muaba udi bantu ba bungi bapitshila. Sengelela Yehowa bua akupeshe bukole bua nyuma wende muimpe. (1Pt 4:11) Ikala mutuishibue ne: neakuambuluishe bua kukumbaja mudimu udiye mukupeshe bimpe.​—Eks 4:11, 12.

NUTANGILE FILME WA IKALA NE DIKIMA WEWE MUMANYISHI WA LUMU LUIMPE, PASHISHE NUANDAMUNE NKONKO EYI:

• Ndutatu kayi luvua muanetu Aoyama mutuilangane nalu?

• Nkuepi kuvuaye mupetele bukole ne dikima?​—Yel 20:7-9

• Mmunyi muvuaye mumvue pakajingaye bua kuvudija mudimu uvuaye wenzela Yehowa?

• Nntatu kayi ya mu mudimu wa buambi idi Yehowa mua kukuambuluisha bua kutshimuna?