Tshintu tshia mushinga mukole tshia mu ntenta wa tshitendelelu

25:9, 21, 22

Mushete wa tshipungidi ke uvua ne mushinga wa bungi kupita tshintu kayi tshionso tshivua mu ntenta wa tshitendelelu ne mu tshitudilu tshijima tshia bena Isalele. Ditutu divua pankatshi pa bakeluba babidi bavua pa mutu pa tshibuikidiji tshia dilengejangana tshia mushete wa tshipungidi divua dileja dikalaku dia Nzambi muaba au. Mu Dituku dia dibuikila dia mpekatu, muakuidi munene uvua ubuela mu Muaba Mutambe Tshijila wangata mashi a ngombe ne a mbuji ne uanyakila kumpala kua tshibuikidiji bua dibuikila dia mpekatu ya bena Isalele. (Lew 16:14, 15) Bualu ebu buvua buleja dîba divua Muakuidi Mutambe bunene anyi Yezu Kristo muye kumpala kua Yehowa mu diulu bua kuleja mushinga wa mulambu wende udi upikulangana.​—Eb 9:24-26.

Tuangaja mvese eyi ne mabenesha adiyi ileja adi afumina ku mulambu wa Yezu udi upikulangana:

MVESE

• 1Yn 1:8, 9

• Eb 9:13, 14

• Lom 6:23

MABENESHA

• Ditekemena dia kuikala ne muoyo wa kashidi

• Dibuikila dia mpekatu

• Kondo ka muoyo katoke

Bua tuetu kupeta mabenesha onso aa, ntshinyi tshitudi ne bua kuenza?