BIUMA BIA MU DÎYI DIA NZAMBI | LEWITIKI 4-5

Pesha Yehowa tshintu tshitambe buimpe tshiudi natshi

Bupele kabuvua mua kupangisha muena Isalele nansha umue bua kukeba ditalala ne Yehowa nansha. Nansha mupele wa menemene uvua anu ne mushindu wa kupesha Yehowa mulambu muanyishibue, kadi anu pavuawu muimpe menemene. Uvua mua kulambula bukula, kadi bivua bikengela buikale “bunefuke” anyi buimpe ku mêsu kua Yehowa, bua buena buvuabu benzela nabu benyi ba tshisaka biakudia. (Gen 18:6) Lelu eu Yehowa udi witaba “mulambu [wetu mutambe buimpe] wa kumutumbisha nawu” nansha tuetu katuyi ne mushindu wa kufila tshituvua tuela meji bua kufila.—Eb 13:15.

Mmunyi mudi bualu ebu mua kukukankamija nansha wewe kuyi ne mushindu wa kuenza mudimu muuvua uwenza kumpala, pamuapa bua masama?

Foto: Bana betu ba bakaji babidi bapesha Yehowa ‘mulambu wabu mutambe buimpe wa kumutumbisha nawu’. 1. Muanetu wa bakaji udi muye kuambuluisha mu teritware wa muakulu muenyi uyisha mamu mukuabu mu tshisalu. 2. Muanetu wa bakaji mukulaje ufundilangana mikanda kuende kumbelu.