Ukadi wenda udilongolola bua Tshivulukilu anyi?

Pasaka wa ndekelu wakadia Yezu uvua ne mushinga wa bungi. Bu mukavuaye pa kufua, wakalongolola bua kudia Pasaka ne bapostolo bende, ne kubanjija tshibilu tshipiatshipia tshia ku tshidimu, mmumue ne: Didia dia Mukalenge. Ke kuambilaye Petelo ne Yone bua balongolole muaba. (Luk 22:7-13; tangila tshimfuanyi tshia pa mutu.) Bualu ebu budi buleja mushinga wa tuetu kulongolola Tshivulukilu tshia mu dia 27 ngondo muisatu. Pamuapa kudi bisumbu bikadi bilongolole malu bu mudi adi atangila muedi wa muyuki, diampa ne mvinyo, ne bintu bikuabu. Kadi ntshinyi tshidi yonso wa kutudi mua kuenza bua kudilongolola bua Tshivulukilu?

Longolola muoyo webe. Ikala ubala mvese idi itangila Tshivulukilu, ne welela biudi ubala abi meji. Neupete dilondangana dia malu au mu broshire wa Tukonkononayi mifundu dituku dionso. Malu makuabu a bungi adi mu Tshisakidila tshia B12 mu Bible​—Nkudimuinu wa bulongolodi bupiabupia. (Tangila kabidi Mabeji a tshisangilu tshia Nsombelu ne mudimu wetu a ngondo 4/2020.) Bena mu mêku badi mua kutangila mu Index des publications des Témoins de Jéhovah anyi mu Mukanda wa makebulula wa Bantemu ba Yehowa bua kumanya malu adi aleja mushinga wa tshia kupikulangana natshi adibu mua kulonga mu ntendelelu wa mu dîku.

Bikilamu bantu. Abanyina bantu ba bungi mabeji a dibikila. Ela meji a baudi mua kubikilamu bu mudi balongi bebe ba Bible, balela ne bamanyangana nabu. Bakulu badienzeje bua kubikila bana betu bakadi balekele bisangilu. Manya ne: nansha muntu yeye kayi musombele muaba unudi, udi mua kumanya muaba watshienzelabu mu bitupa bidiye yeye mubuele mu jw.org, mutute pa MALU ETU, ne pa “Tshivulukilu.”

Ntshinyi tshikuabu tshitudi mua kuenza bua kudilongolola?