Fila bilejilu bua kupatula ngenyi minene

Patudi tupinganyina bantu anyi tulombola malonga a Bible, bidi bikengela tubambuluishe bumvue malu manene. Bua kuwumvuabu bimpe, tufile bilejilu, dîba adi netuabueje mu muoyo wabu ne nebaavuluke bipepele.

Paudi udilongolola bua kupinganyina bantu anyi bua kulonga nabu Bible, sungula malu manene awafidila bilejilu bua kuwumvuija; kusungudi tumalu tukese to. Pashishe keba bilejilu bipepele bia mu nsombelu wa buatshia buila. (Mat 5:14-16; Mâk 2:21; Luk 14:7-11) Wavuluka, wele meji bua tshidi muntu uudi uyisha ne bua midimu idiye wenza. (Luk 5:2-11; Yne 4:7-15) Paudi umona mudi mpala wende musanguluke bua mudiye umvua bualu kampanda, nebikusankishe pebe.

NUTANGILE FILME WA AKAJA NYISHILU WEBE, UPETE DISANKA DIA KUVUIJA BANTU BAYIDI: FILA BILEJILU BUA KUPATULA NGENYI MINENE, PASHISHE NUANDAMUNE NKONKO EYI:

• 

  Bua tshinyi bidi mua kulomba bua kuambuluisha balongi bua kumvuabu mvese bimpe?

• 

  Ntshilejilu kayi tshivua Neeta mufile bua kumvuija bulelela budi mu Lomo 5:12?

• 

  Bilejilu bimpe bidi mua kuenzela bantu batudi tuyisha tshinyi?

• Patudi mu buambi, bua tshinyi mbimpe kuyisha ne filme ne bintu bikuabu bia kulongesha nabi bidi bulongolodi bua Yehowa bupatule?