BIUMA BIA MU DÎYI DIA NZAMBI

Sungula wa kubuela nende mu dibaka ne meji

Solomo wakasela bakaji bavua batendelela nzambi ya dishima kayi ne meji to (1Bk 11:1, 2; w18.07 18 §7)

Bakaji ba Solomo bakasemeja muoyo wende kule ne Yehowa ku kakese ku kakese (1Bk 11:3-6; w19.01 15 §6)

Yehowa wakakuatshila Solomo tshiji (1Bk 11:9, 10; w18.07 19 §9)

Bimfuanyi bilamakaja: Muanetu wa bakaji mujike udilongele Bible ne welangane meji bua muanetu wa balume mukuabu mujike. 1. Muanetu wa balume wandamuna mu bisangilu bia tshisumbu. 2. Uyisha muaba udi bantu ba bungi. 3. Wambuluisha mu dilongolola Nzubu wa Bukalenge.

Mu Dîyi dia Nzambi badi babela bena Kristo batshidi bajike bua kuselangana “anu mu Mukalenge.” (1Ko 7:39) Kadi kuikala mubatijibue kakuena anu kuvuija muntu diakamue mulume muimpe anyi mukaji muimpe to. Muntu au neakuambuluishaku bua utungunuke ne kuenzela Yehowa mudimu ne muoyo webe mujima anyi? Kukadi tshikondo tshile tshidiye uleja mudiye munange Yehowa anyi? Kumpala kua wewe kuitaba bua kuselangana ne muntu, anji keba mushindu wa kumumanya bimpe menemene.