TUIKALAYI NE NSOMBELU WA BUENA KRISTO

Bitupa bia mushinga bia mu mukanda wa Shala ne muoyo kashidi!

Nkonko ya muntu uleja wende mmuenenu ne filme idi mu mukanda wa Shala ne muoyo kashidi! itu ikusankishe anyi? Kadi ne tuambe bishi bua tshitupa tshia “Bamue batu bamba ne,” tshia “Tshipatshila,” ne tshia “Buela mu buondoke”? Mbitupa kayi bikuabu biudi mua kumona ne: bidi ne mushinga paudi ulombola dilonga dia Bible?—Mat 28:19, 20.

Mukanda wa “Shala ne muoyo kashidi!” mu programe wa “JW Library”. Tshimfuanyi tshia kamanyinu kadi kaleja “Bintu bia kutangila bia tshitupa tshia 1.”

Bintu bia kutangila: Mmunyi muudi mua kupeta filme yonso ne bintu bikuabu bia kutangila muaba umuepele, wewe musue kulombola dilonga dia Bible ne mukanda wa pa mabeji? Mu mukanda wa mu biamu, sungula tshimue tshia ku bitupa binene binayi. Kuinshi kua dibeji dia biena-bualu bia malongesha, udi mua kusungula bintu bionso bia kutangila kabidi mu tshitupa kampanda tshisunguluke. (Tangila tshimfuanyi tshia 1.)

Kuwukangula umueneka bu “Bia pa mabeji”: Wewe ulongela Bible ne muntu ku biamu, udi mua kumona ne: mbimpe wikale ukangula mukanda webe umueneka bu Bia pa mabeji misangu ne misangu panudi nulonga. Panukadi mu dilongesha kampanda, tuaku munu pa tutoba tusatu ku dia balume kuulu mu ditumba, pashishe utue muaba udibu bafunde ne: “Bia pa mabeji”. Kuwukangula mushindu eu kudi mua kukuambuluisha bua kuikale anu mulame tshiena-bualu tshia dilongesha mu mutu ne kumona mudi malu onso anudi nuenda nulonga apetangana natshi. Bua kupingana mu tshimuenekelu tshia mukanda wa mu biamu udi utua kabidi anu pa tutoba tusatu atu usungula “Bia mu biamu.”

Mukanda wa “Shala ne muoyo kashidi!” mu programe wa “JW Library”. Tshimfuanyi tshia kamanyinu ka kazubu ka “Nkadi mudiakaje anyi?” ne “Mamanyisha a ku ndekelu.”

“Nkadi mudiakaje anyi?”: Tuzubu tudi lua ku ndekelu kua mukanda etu tudi tuambuluisha bua kumanya mulongi ni ukadi mukumbane bua kuyisha ne bena mu tshisumbu ne kubatijibua. (Tangila tshimfuanyi 2.)

Mamanyisha a ku ndekelu: Mamanyisha a ku ndekelu adi umvuija amue malu a mushinga adi mu biena-bualu. Mu mukanda wa mu tshiamu kudi kajila anyi lien udi ukupingaja muaba unuvua mu dilongesha. (Tangila tshimfuanyi 2.)

Dienzeja bua nujikije kulonga mukanda wa Shala ne muoyo kashidi! ne balongi badi baya kumpala, nansha bobu babatijibue kumpala kua nuenu kuwujikija. Udi mua kutungunuka ne kubala mêba, misangu mipinganyina muntu, ne malonga nansha mulongi yeye mumane kubatijibua. Mumanyishi mukuabu yeye muye kukufila ne muakule pende panudi nulonga, neabale pende mêba.