TUIKALAYI NE NSOMBELU WA BUENA KRISTO
Ikala udimona mutu Yehowa ukumona
“Yehowa udi usanka bua bantu bende.” (Mis 149:4) Udi umona bikadilu bietu bimpe ne malu atudi mua kulua kuenza nansha mutudi bapange bupuangane. Kadi imue misangu, bidi mua kutukolela bua kumona bikadilu bimpe bitudi nabi. Tudi mua kudimona katuyi ne mushinga bua mudi bakuabu batuenzela malu. Anyi tuetu tutuma meji anu ku bilema bietu bia kale, tudi mua kutuadija kuelakana tuela meji ne: bushuwa Yehowa ki mmutunange to. Ntshinyi tshidi mua kutuambuluisha padi meji a nanku atuluila?
Tuvulukayi ne: Yehowa utu umona malu atu bantu kabayi bamona to. (1Sm 16:7) Bidi biumvuija ne: udi umona too ne bitudi tuetu bine katuyi tumona kutudi to. Bia diakalenga, Bible udi utuambuluisha bua kumanya mudi Yehowa utumona. Tudi tufika ku dimanya bualu ebu bimpe patudi tubala mvese ya mu Bible ne malu adimu adi aleja mudi Yehowa munange batendeledi bende bikole.
NUTANGILE FILME WA ITABIJIJA MUOYO WEBE KUMPALA KUA YEHOWA, PASHISHE NUANDAMUNE NKONKO EYI:
Ntshinyi tshidi tshilejilu tshia munyemi wa lubilu ne tatuende tshitulongesha bua mudi Yehowa utumona?
Muntu udi muenze mpekatu munene yeye muenze tshidi tshikengedibua bua kuakaja bulunda buende ne Yehowa, mmunyi mudiye muakujadikila muoyo wende kumpala kua Yehowa?—1Yn 3:19, 20
Mmunyi muvua muyuki wa bualu bua Davidi ne wa bualu bua Yehoshafata muambuluishe muanetu wa balume pavuaye muubale ne muelangane meji?