Mbipatshila kayi biudi mudifundile bua tshidimu tshia mudimu tshipiatshipia?

Bipatshila bia mu nyuma mbionso bitudi tudienzeja bikole bua kukumbaja bua kuenzela Yehowa mudimu bimpe menemene ne kumusankisha. Bidi bituambuluisha bua kuya kumpala mu nyuma ne mbikumbane bua tuetu kubifila dîba dietu ne bukole buetu bua kubikumbaja. (1Tm 4:15) Bua tshinyi mbimpe tuikale tutangilulula bipatshila bietu pa tshibidilu? Bualu nsombelu itu ishintuluka. Lelu tudi mua kupanga mua kukumbaja tshipatshila tshituvua badifundile kale, anyi kuikala bamane kutshikumbaja bafuane kudifundila tshikuabu.

Tshikondo tshimpe tshia kutangilulula bipatshila bietu ntshia kumpala kua tshidimu tshia mudimu tshipiatshipia kutuadijatshi. Kanuenaku mua kuakuila bualu ebu mu ntendelelu wenu wa mu dîku ne kudifundila bipatshila bia muntu ne muntu ne bia bena mu dîku bonso anyi?

Mbipatshila kayi bisunguluke biudi mua kudifundila mu malu adi alonda aa? Mmunyi muwikala mua kulongolola malu bua kubikumbaja?