Mudimu wa pa buawu wa dimanyisha Bukalenge bua Nzambi mu ngondo wa 9

Mu ngondo wa 9 netuenze mudimu wa pa buawu wa kumanyisha bantu ne: anu Bukalenge bua Nzambi ke budi mua kujikija ntatu ya bantu. (Mat 24:14) Mmunyi muudi mua kuambuluisha pebe mu mudimu eu? Ndienzeja bua kubadisha bantu ba bungi menemene mvese wa mu Bible udi wakula bua Bukalenge bua Nzambi mu ngondo wa 9. Muntu yeye muanyishe bulelela, umupeshe Tshibumba tshia Nsentedi tshia bantu bonso tshia No. 2 2020. Pashishe, umupinganyine pa lukasa bua kutuadija nende dilonga dia Bible mu broshire wa Shala ne muoyo kashidi! Bana betu badi basue kulua bampanda-njila bambuluishi mu ngondo wa 9 badi mua kusungula bua kuyisha mêba 15 anyi 30.

Mu katupa kîpi emu Bukalenge bua Nzambi nebuzaze mbulamatadi yonso idi ibuluisha. (Dan 2:44; 1Ko 15:24, 25) Tubabidilayiku mpunga munene utudi nende eu bua kuleja mutudi balamate Yehowa ne Bukalenge buende.