LUMINGU LUA DIA 5-11/8

BIUMA BIA MU DÎYI DIA NZAMBI

1. ‘Ambila ba mu tshipungu tshia bantu tshidi tshilua’ bualu bua bukole bua Nzambi

(Min. 10)

Davidi wakamona muvua Yehowa mumukube katshia ku buana buende (Mis 71:5; w99 1/9 18 §17)

Davidi wakamona muvua Yehowa umukuatshisha pakavuaye mukulakaje (Mis 71:9; g04-F 8/10 23 §3)

Davidi wakamanyisha bansonga malu avua mamufikile bua kubakankamija (Mis 71:17, 18; w14 15/1 23 §4-5)

Bena dîku bavuabu bakuile mu tshitupa tshia lumingu lushale tshia ne: “Malu a kulonda bua ntendelelu wa mu dîku.” Mbakidile mulume ne mukajende bakadi bakulakaja bua kubuela mu ntendelelu wabu wa mu dîku. Badi babateleja ne ntema yonso padibu benda babaleja foto ne babalondela malu.

DIEBEJA NE: ‘Nnganyi wa mu tshisumbu tshietu ukadi muenzele Yehowa mudimu bidimu bia bungi undi mua kuela nkonko mu ntendelelu wetu wa mu dîku?’

2. Bubanji bua mu Dîyi dia Nzambi

(Min. 10)

Mis 72:8: Mmunyi muvua bualu buvua Yehowa mulaye Abalahama budi mu Genese 15:18 bukumbane mu bukokeshi bua mukalenge Solomo? (it-1-F 825)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Mis 71:1-24 (th dilonga 5)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) KU NZUBU NE KU NZUBU. Muntu yeye mutuadije kukokangana nebe, ukose muyuki ne dîyi dimpe. (lmd dilongesha 4 kamutu ka bualu 5)

5. Dipinganyina muntu

(Min. 4) PADI MPUNGA UMUENEKA. Tungunukayi ne muyuki unukavua batuadije ne mulela webe udi welakana bua kulonga Bible. (lmd dilongesha 8 kamutu ka bualu 4)

6. Umvuija malongesha enu

(Min. 5) Muyuki. ijwfq 49—Tshiena-bualu: Bua tshinyi Bantemu ba Yehowa mbashintulule malongesha abu makuabu? (th dilonga dia 17)

TUIKALAYI NE NSOMBELU WA BUENA KRISTO

7. Ngenyi ya mua kuenza ntendelelu wa mu dîku

(Min. 15) Diyukidilangana.

Bena mu dîku badibu bafume ku dileja abu bimana kuulu bimba musambu wa Bukalenge.

Bena mu dîku abu batangila ndongamu wa ku TV wa JW.

Umue wa ku bana ba mu dîku abu wandamuna mamuende padibu benza dinaya mu ntendelelu wa mu dîku.

Tshikondo tshia ntendelelu wa mu dîku ntshikondo tshia mushinga tshidi bana mua kulonga “mibelu ne didimuija bia Yehowa.” (Ef 6:4) Kulonga kutu kulomba mudimu wa bungi, kadi kutu kusankisha nangananga padi bana bapeta dijinga dia kulonga malu a Yehowa. (Yne 6:27; 1Pt 2:2) Bua baledi kumanya mua kuenza ntendelelu wa mu dîku udi ukolesha ne usankisha, tangilayi malu adi mu kazubu ka “Ngenyi ya mua kuenza ntendelelu wa mu dîku,” pashishe nuandamune nkonko eyi:

Nngenyi kayi inudi basue kutumikila mu ntendelelu wenu wa mu dîku?

Andamuna
Nudiku bapete tshintu tshikuabu tshidi mua kunuambuluisha anyi?

Andamuna

NGENYI YA MUA KUENZA NTENDELELU WA MU DÎKU

BUA MALU A MU BIBLE:

Telejayi mêyi makuata a dibala dia Bible bua nshapita ya ku lumingu, anyi balayi nshapita ayi ne dîyi dikole. Nudi mua kuabanyangana mêyi a bantu badi mu nshapita ayi bua kuabala
Longolola nkonko idi ipetangana ne dibala dia Bible dia ku lumingu. Wambile muena mu dîku yonso bua asungule lukonko lumue ne aluenzele makebulula. Pashishe alue kuleja malongesha adiye mupete
Keba lukonko anyi umvuija nsombelu kampanda, pashishe ukebe mêyi manene a mu Bible adi andamuna lukonko alu anyi a kutumikila mu nsombelu au mu mukanda wa Mvese idi itangila nsombelu wa buena Kristo
Nuenze dinaya dia bualu kampanda budi mu Bible
Lumingu luonso, nuikale nufunda mvese umue mu luseke lua dibeji ne tshidiye wamba mu luseke lukuabu, bu mudi mvese idi mu tshisakidila tshia A mu broshire wa Nanga bantu ubavuije bayidi, pashishe nukuate mvese au ku muoyo. Nuikale nubalulula mvese inuvua bafunde ya mbingu ikadi mipite
Longayi tshitupa kampanda tshia mu mukanda wa Shala ne muoyo kashidi!
Lomba muena mu dîku yonso bua abale tshiena-bualu kampanda mu tshitupa tshia “Mandamuna a nkonko ya malu a mu Bible” anyi tshia “Diumvuija dia mvese ya mu Bible,” muinshi mua MALONGESHA A MU BIBLE mu jw.org, ne alue kuamba malu adiye mupetamu

BUA BISANGILU:

Longololayi tshitupa tshia bisangilu
Longololayi mandamuna, nuambulule. Nutabalele kabidi bungi bua sekonde mikosa ya kuafila mu bisangilu
Imbayi misambu ya Bukalenge
Longololayi tshia kuambila muntu bua kumukankamija ku ntuadijilu kua bisangilu anyi ku ndekelu kuabi, ne nuenze dinaya
Nuenze dinaya dia mudimu wenza umue wa kunudi mu matuku makese emu mu tshisangilu tshia munkatshi mua lumingu

BUA MUDIMU WA BUAMBI:

Dilongololayi bua buambi bua ku nzubu ne ku nzubu
Longololayi dipinganyina bantu
Kebayi mua kuyisha padi mpunga umueneka, ne nuenze dinaya dia mua kutuadija muyuki ne muntu
Yukilayi bua tshia kuenza bua kuyisha bikole mu tshikondo tshia Tshivulukilu anyi tshia dikisha dia mu kalasa peshi dia ku mudimu

BUA MAJINGA A BENA MU DÎKU:

Enzayi dinaya dia mua kupita bimpe ne lutatu lunudi nalu anyi lunudi mua kutuilangana nalu, bu mudi lua dinusaka ku dibuelakana mu malu a panu, dinutondesha nsombelu, dibangilangana, anyi disekelela mafesto adi kaayi asankisha Nzambi to
Enzayi dinaya dia bana bangata muaba wa baledi. Bana benzele tshiena-bualu kampanda makebulula ne balue kueleshisha baledi meji

NGENYI YA PA MUTU:

Tangilayi ndongamu wa ku TV wa JW^® ne nupatule malongesha adimu
Balayi tshiena-bualu tshia mu jw.org anyi nutangile filme udimu, pashishe nuambilangane malongesha adimu
Balayi malu adi mu tshitupa tshia “Bansonga” anyi tshia “bana” muinshi mua MALONGESHA A MU BIBLE mu jw.org
Nubalulule malu a mu mpuilu anyi a mu mpungilu anuvua bafunde
Bandilayi tshintu tshia mu bufuki anyi kebululayi malu atshi, pashishe nuyukile bua tshiditshi tshinulongesha bua Yehowa
Ikalayi misangu mikuabu nubikila muntu mu ntendelelu wenu wa mu dîku, ne numuela nkonko
Ditekelayi malu a kuenza mu mudimu wa Yehowa, nuyukile munudi mua kuakumbaja
Tetayi kuenza tshintu bu mudi buatu bua Noa, anyi longayi malu adi mu tablo ne mu tuarte tudi mu Nkudimuinu wa bulongolodi bupiabupia ne mu mikanda yetu

Ela FILME wa Tungunukayi ne kulengeja ntendelelu wenu wa mu dîku. Pashishe nuandamune lukonko elu:

Ntshinyi tshidi mulume mua kuenza bua ntendelelu wa mu dîku ikale usankisha mukajende mu tshikondo tshikadi bana kabatshiyi kumbelu?

Andamuna

8. Dilonga dia Bible dia tshisumbu

(Min. 30) bt nshap. 13 §17-24