LUMINGU LUA DIA 28/7–3/8

BIUMA BIA MU DÎYI DIA NZAMBI

1. Ikala mudipaye bua ntatu

(Min. 10)

Vudija dimanya ne meji (Nsu 24:5; w23.07 18 §15)

Tungunuka anu ne kuenza malu a mu nyuma nansha wewe mutekeshibue mu mikolo (Nsu 24:10; w09 15/12 18 §12-13)

Tuetu ne ditabuja dikole ne banange Yehowa bikole, buluishi kabuakututshibuila panshi to (Nsu 24:16; w20.12 15)

Muanetu wa bakaji muikale ne disama dikole uyisha ku nzubu ne ku nzubu pamue ne muanetu wa bakaji mukuabu. Udi uleja mamu kampanda udi muimane mu mushiku wa mbelu tshintu mu tablete wende.

2. Bubanji bua mu Dîyi dia Nzambi

(Min. 10)

Nsu 24:27: Lusumuinu elu ludi lutulongesha tshinyi? (w09 15/10 12)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu. 24:1-20 (th dilonga dia 11)

DIFILA KU MUDIMU WA BUAMBI

4. Mua kubanga kuyukila ne muntu

(Min. 2) PADI MPUNGA UMUENEKA. Muyuki udi ujika kumpala kua wewe kuyisha muntu. (lmd dilongesha 2, kamutu ka bualu 4)

5. Mua kubanga kuyukila ne muntu

(Min. 3) KU NZUBU NE KU NZUBU. (lmd dilongesha 3, kamutu ka bualu 4)

6. Mua kubanga kuyukila ne muntu

(Min. 3) MUABA UDI BANTU BA BUNGI. Ambila muntu bua programe wetu wa dilongesha bantu Bible ne umupeshe karte ka Longa Bible. (lmd dilongesha 4, kamutu ka bualu 3)

7. Muyuki

(Min. 3) lmd tshisakidila tshia A, kamutu ka bualu 11: Tshiena-bualu: Nzambi utu uyukila netu. (th dilonga 6)

TUIKALAYI NE NSOMBELU WA BUENA KRISTO

8. Tuambuluishanganayi patudi mu ntatu

(Min. 15) Diyukidilangana.

Kudi malu adi mua kukuata bena Kristo kaayi ela mpungi, bu mudi masama makole, bipupu, bimvundu, mvita ne buluishi. Padiwu abakuata nanku, batu bambuluishangana ne bakankamijangana. Kadi nansha owu kaayi matukuate tuetu, tudi tuditeka pa muaba wa bena Kristo netu abu ne tuenza muetu muonso bua kubambuluisha.—1Ko 12:25, 26.

Foto: Bana betu ba balume ne ba bakaji bambuluisha bena Kristo nabu mu mishindu ya bungi. 1. Bana betu bibaka Nzubu wa Bukalenge uvua tshipupu tshiupule. 2. Bana betu bakidila mamu kampanda ne muanetu wa bakaji ne disanka. Mamu au ne muanende mbanyeme muaba uvuabu. 3. Muanetu wa bakaji wela makuta mu ka kashete mu Nzubu wa Bukalenge. 4. Bana betu mbanyeme miaba ivuabu. Bena Kristo nabu babapesha bintu bidibu nabi dijinga ku Nzubu wa Bukalenge. 5. Badisuile batulula mâyi a kunua adi mu mashinyi. 6. Muanetu wa balume usambila.

Bala 1 Bakalenge 13:6 ne Yakobo 5:16b. Pashishe webeje bateleji ne:

Bua tshinyi masambila adi batendeledi ba Nzambi benzela bakuabu adi ne bukole bua bungi?

Andamuna

Bala Mâko 12:42-44 ne 2 Kolinto 8:1-4. Pashishe webeje bateleji ne:

Nansha tuetu katuyi ne makuta a bungi a kufila bua mudimu wa pa buloba bujima bua kuambuluisha bana betu badi ntatu mikuate, bua tshinyi katuena ne bua kuelakana bua kufila katudi naku?

Andamuna

Ela FILME wa Bakakolesha bana betu tshikondo tshia dikandikibua. Pashishe webeje bateleji ne:

Bu muvua bana betu banange bena Kristo nabu bavua ku Mputu wa ku Est kuvuabu bakandike midimu yetu, mmalu kayi avuabu badipangishe bua kubambuluisha?

Andamuna
Tshikondo tshivuabu bakandike midimu yetu atshi, mmunyi muvua bana betu batumikile mukenji wa kudisangisha bua kukankamijangana?—Eb 10:24, 25

Andamuna

9. Dilonga dia Bible dia tshisumbu

(Min. 30) lfb dilongesha 4-5