LUMINGU LUA DIA 18-24/8

BIUMA BIA MU DÎYI DIA NZAMBI

1. Mudi balunda balelela batuambuluisha

(Min. 10)

Balunda balelela badi batubela ne dikima dionso padibi bikengela (Nsu 27:5, 6; w19.09 5 §12)

Balunda balelela badi mua kutuambuluisha bimpe kupita balela betu (Nsu 27:10; it-2-F 669 §7)

Balunda balelela badi batusaka bua kuenza malu mimpe (Nsu 27:17; w23.09 10 §7)

Muanetu wa balume utshidi nsonga wambuluisha muanetu wa balume ukadi mukulakaje bua ayukile ne doktere.

2. Bubanji bua mu Dîyi dia Nzambi

(Min. 10)

Nsu 27:21: Mmu ngumvuilu kayi mutudi tutetshibua kudi butumbi butudi tupeta? (w06 15/9 19 §12)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu 27:1-17 (th dilonga 5)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) KU NZUBU NE KU NZUBU. Muntu ngua mu tshitendelelu tshidi katshiyi tshia bena Kristo. (lmd dilongesha 6, kamutu ka bualu 5)

5. Dipinganyina muntu

(Min. 4) PADI MPUNGA UMUENEKA. Leja muntu filme kampanda wa mu Bintu bietu bia kulongesha nabi. (lmd dilongesha dia 8, kamutu ka bualu 3)

6. Muyuki

(Min. 5) ijwyp-F tshiena-bualu 75: Tshiena-bualu: Ntshinyi tshingenza mulunda wanyi yeye munnyingalaje? (th dilonga dia 14)

TUIKALAYI NE NSOMBELU WA BUENA KRISTO

7. ‘Muanetu udi muledibue bua bikondo bia dikenga’

(Min. 15) Diyukidilangana.

Yehowa mmuenze bua tuikale mu dîku dia bana betu dia pa buloba bujima mutudi mua kupeta balunda badi batunange. Nansha mutudi mua kuikala bimpe ne bana betu ba bungi, mbana betu bungi kayi badi balunda betu ba pa muoyo? Tudi tulua balunda ba pa muoyo patudi tumanyangana bimpe, tueyemenangana, tulondelangana malu, tuenza malu kampanda pamue, ne tuambuluishangana. Mu bulelela, bitu bilomba kudienzeja ne bitu biangata dîba bua bantu kudiabu bulunda ne kubulama.

Bala Nsumuinu 17:17. Pashishe webeje bateleji ne:

Bua tshinyi mbimpe tudie bulunda bukole ne bana betu mpindieu kumpala kua dikenga dinene kuluadi?

Andamuna

Bala 2 Kolinto 6:12, 13. Pashishe webeje bateleji ne:

Mmunyi mudi kutumikila mvese eu kutuambuluisha bua kupeta balunda?

Andamuna

Bualu bua mu filme wa “‘Kudi tshikondo tshisungula bua tshintu tshionso’—Bitu bilomba dîba bua kudia bulunda.” August upesha Ben ndundu padibu basombe pa tshibasa, munda mua nzubu wa dinayila ndundu wa bianza.

Ela FILME wa “Kudi tshikondo tshisungula bua tshintu tshionso”: Kudia bulunda kutu kuangata dîba. Pashishe webeje bateleji ne:

Filme eu mmukulongeshe tshinyi bua bulunda?

Andamuna

Wewe musue kudia bulunda ne muntu, mufukishila mimuemue anyi muela muoyo ne disanka. Udi mua kushemesha bulunda abu wewe umutabalela. Bidi mua kuangata matuku bua bulunda buenu kushema, nanku ikala ne lutulu. Wewe muenze malu aa nudi mua kushala balunda bua kashidi.

8. Dilonga dia Bible dia tshisumbu

(Min. 30) lfb dilongesha 10-11