TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • w21 ngondo wa 1 dib. 31
  • Udi mumanye anyi?

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Udi mumanye anyi?
  • Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2021
  • Bintu bia muomumue
  • Nzambi utu ne dîna anyi?
    Mandamuna a nkonko ya mu Bible
  • Diumvuija dia dîna dia Nzambi ne mushindu wa kuenza nadi mudimu
    Bible utu ulongesha tshinyi menemene?
Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2021
w21 ngondo wa 1 dib. 31
Dîna dia Nzambi difunda pa dibue.

Mifundu ya pa dibue: “Hagaf muana wa Hagav edibue mulawu kudi Yahweh Sabaote”

Udi mumanye anyi?

Mmunyi mudi mifundu kampanda ya kale ijadika tshidi Bible wamba?

MU YELUSHALEMA wa lelu mudi nzubu kampanda wa dilamina bintu bia kale bia mu maloba adibu bakuile mu Bible. Mu nzubu amu mudi dibue kampanda didi ne mifundu ivuabu bafundapu pankatshi pa bidimu 700 ne 600 kumpala kua Kristo. Dibue adi divua diangula mu nyongolo kampanda uvuabu bajiikilangana uvua pabuipi ne Hebelone mu Isalele. Bavua bafundapu ne: “Hagaf muana wa Hagav edibue mulawu kudi Yahweh Sabaote.” Mmunyi mudi mifundu ayi ijadika tshidi Bible wamba? Idi ileja ne: dîna ditu nadi Nzambi, dia Yehowa, divuabu bafunda mu maleta a tshiena Ebelu tshia kale aa: YHWH divua dimanyike bimpe, ne bantu bavua baditela matuku onso bikondo bia kale abi. Mu nyongolo ivuabu bajiikilangana ayi, mudi kabidi mifundu mikuabu idibu bafundamu, ileja ne: bantu bavua ne tshibidilu tshia kupetelangana mu nyongolo ayi anyi baya kusokomamu bavua batamba kufunda dîna dia Nzambi, bafunda kabidi ne mêna a bantu ku bimanu biayi, ne mu mêna a bantu amu muvua maleta a dîna dia Nzambi.

Mulongeshi wa tshikunda wa mu tulasa tua bifulu bia mabue a masanga tua mu Géorgie diende Rachel Nabulsi udi wakula pende bua mifundu ayi wamba ne: “Bu mudibu bafunde dîna dia YHWH mu mifundu ayi misangu ya bungi, bualu ebu budi ne mushinga wa bungi. . . . Malu avuabu bafunde ne mifundu eyi bidi bileja ne: dîna dia YHWH divua ne mushinga wa bungi kudi bena Isalele ne bena Yuda.” Bualu ebu budi bujadika tshidi Bible wamba, bualu mbafundamu dîna dia Nzambi mu maleta a tshiena Ebelu YHWH misangu binunu ne binunu. Mêna a bantu ba bungi avua ne maleta a dîna dia Nzambi.

Miaku ivuabu bafunde pa dibue ya ne: “Yahweh Sabaote” idi yumvuija ne: “Yehowa wa biluilu.” Bualu ebu budi busua kuleja ne: mu bikondo bivuabu bafunda Bible, bantu kabavua ne tshibidilu tshia kutela anu dîna dia Nzambi to, bavua batela kabidi tshiambilu tshia ne: “Yehowa wa biluilu.” Bualu ebu budi bujadika kabidi tshidi Bible wamba, bualu mu Bible mudi tshiambilu tshia “Yehowa wa biluilu” misangu 283 mu mifundu ya tshiena Ebelu, nangananga mu Yeshaya, mu Yelemiya, ne mu Zekâya.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu