BIENA-BUALU BIA KULONGA

Bantu ba Yehowa badi mu muaba wa ditalala mu tshitupa tshia bulongolodi bua Nzambi tshia pa buloba. Mmunyi mutudi mua kuleja ne: tudi tuanyisha bikole malu adi Nzambi mulongolole bua ntendelelu mulelela? Ntshinyi tshitudi mua kuenza bua kudiundisha muaba wa ditalala eu? Tshiena-bualu etshi netshiandamune nkonko eyi.

Tshiena-bualu etshi netshiumvuije amue malu mimpe enzeka kumpala eku. Netumone kabidi bua tshinyi nebikale ne mushinga bua kueyemena Yehowa ne muoyo mujima mu tshikondo tshia dikenga dinene.

Bantu ba bungi ba mu bulongolodi bua Satana ebu mbalamate ku ditunga diabu, bibidilu biabu, anyi dikoba diabu. Kadi tuetu tudi balaye bua kulamata Yehowa. Mu tshiena-bualu etshi netumone bua tshinyi katuena mua kubuelakana mu bimvundu bia mu bulongolodi ebu, ne mutudi mua kulonga mua kuikala ne mmuenenu wa buena udi nende Yehowa ne Yezu.

Pa buloba bujima, bantu ba Yehowa batu badisangisha mu Nzubu ya Bukalenge ne mu nzubu mikuabu bua kutendelela. Mu tshiena-bualu etshi, netukonkonone mêyi manene a mu Bible adi atulongesha bua kunemeka miaba eyi, kufila makuta bua kuyipeta ne kuyitabalela bua kutumbisha Yehowa.