Dikoshibua mishiku dia bena tshididi​—Mona tshienza Bukalenge bua Nzambi

Bantu mbasue bamfumu ba mbulamatadi badibu mua kueyemena; bena tshididi babi bakadi babatshiokeshe. Luapolo luvuabu bapatule pa buloba bujima mu 2023 ludi luleja ne: bantu kabena batamba kueyemena bamfumu ba mbulamatadi to.a

Bible udi umvuija ne: kudi mbulamatadi udi ne Mulombodi muimpe wa kueyemena ne muoyo mujima. Mulombodi au kena witaba nkosa mishiku to. Mbulamatadi au mBukalenge bua Nzambi, Yezu Kristo ke Mulombodi wabu.​—Yeshaya 9:7.

Malu avua Yezu muenze adi ajadika ne: udi utabalela bantu ne muoyo mujima. (Matayi 9:35, 36) Bu mudiye Mukalenge wa Bukalenge bua Nzambi, bantu bonso badi bitaba bulombodi buende neabapeteshe buakane ne ditalala.​—Misambu 72:12-14.