Yezu neajikije tshikisu

Yezu mmumanye mututu tumvua patudi tukenga bua tshikisu ne malu mabi. Bavua bamushiminyine malu, kumututabu kayi muenza bualu bubi, kumufilabu ku tubadi kayi ne bualu, kumupishabu kayi muenza bubi, ne kumushipabu mu mushindu mubi menemene. Nansha muvuaye kayi ne bualu bubi buvuaye muenze, wakafila “muoyo wende bu tshia kupikulangana natshi pa muaba wa bantu ba bungi” ku budisuile ne dinanga dionso. (Matayi 20:28; Yone 15:13) Bu mukadiye mpindieu Mukalenge wa Bukalenge bua Nzambi, neenze bua buakane buikale pa buloba bujima, ujikija tshikisu bua kashidi ne tshiendelele.​—Yeshaya 42:3.

Mona mudi Bible umvuija muikala buloba padiangatshila Yezu malu mu bianza:

• “Bantu babi kabakuikalaku kabidi to; neutangile muaba uvuabu,kabakuikalaku to. Kadi bena bupuekele nebapiane buloba, nebikale ne disanka dipite bungi mu ditalala divule.”​—Misambu 37:10, 11.

Mmunyi mutudi mua kuleja dianyisha bua bionso bikadi Yezu mutuenzele ne bialuaye kutuenzela? Mushindu umuepele wa kuenza nanku nkulonga malu adi atangila “lumu luimpe lua Bukalenge bua Nzambi,” mukenji uvuaye muyishe. (Luka 4:43) Bala tshiena-bualu tshia “Bukalenge bua Nzambi ntshinyi?”