Ambuluisha bakuabu bua kuluisha bunkaya​—Tshidi Bible wamba

Bantu ba bungi pa buloba badi badiumvua nkaya, kabayi mua kudia bulunda ne bakuabu to. Bamue bamanyi ba malu a makanda a mubidi badi bela meji ne: kuambuluisha bakuabu mmushindu wa kuluisha bunkaya.

• “Kuambuluisha bantu badi dijinga ne dikuatshisha kudi mua kulengeja nsombelu wetu ne kudi mua kutuambuluisha bua kuluisha lungenyi lua kuditola.”​—L’Institut américain de la santé.

Bible udi ufila mibelu mimpe ya tshitudi mua kuenza bua kuambuluisha bakuabu. Kuyitumikila kudi mua kutuambuluisha bua kuluisha lungenyi lua kudimona nkaya.

Tshia kuenza

Ikala ne muoyo wa kupa. Keba mpunga ya kusomba ne bakuabu. Ikala upeshangana bintu ne tshianza tshilekelela. Wewe wenza nanku, bantu nebakuleje dianyisha ne nebikoleshe bulunda buenu.

• Dîyi dinene: ‘Ikala upeshangana bintu, nunku bantu nebakupeshe pebe.’​—Luka 6:38.

Ambuluisha bakuabu ne bukole buebe. Keba mushindu wa kuambuluisha bakuabu badi mu ntatu. Bidi mua kulomba bua kubateleja bimpe anyi kubenzela midimu ya mushinga.

• Dîyi dinene: “Mulunda muimpe neakuambuluishe mu malu onsu.”​—Nsumuinu 17:17, Mukanda wa Mvidi Mukulu (Mishonyi).

Bua kumanya malu a bungi a muudi mua kulama bulunda busheme ne bakuabu, bala tshiena-bualu tshia “Nsombelu wa mu dîku ne balunda.”