Yezu nNzambi Wa Bukole Buonso anyi?

Diandamuna dia mu Bible

Baluishi ba Yezu bakamushiminyina bamba ne: udi udivuija mumue ne Nzambi. (Yone 5:18; 10:30-33) Kadi Yezu katu muanji kudivuija mumue ne Nzambi Wa Bukole Buonso nansha. Wakamba ne: “Tatu mmunene kumpita meme.”​—Yone 14:28.

Bayidi ba Yezu ba kumpala kabavua bateka Yezu mu mulongo umue ne Nzambi Wa Bukole Buonso to. Tshilejilu, mupostolo Paulo wakafunda pakavua Yezu mubishibue ku lufu ne: Nzambi “wakamupesha [Yezu] muaba mubandile.” Bidi bimueneka patoke ne: Paulo kavua witaba ne: Yezu uvua Nzambi Wa Bukole Buonso to. Tshianana, mmuaba kayi mubandile uvua Nzambi mua kupesha Yezu?​—Filipoyi 2:9.