Ndi mua kuikala nsambila bua malu kayi?

Dianda dia mu Bible

Udi mua kusambila bua bualu buonso budi mu diumvuangana ne mikenji ya Nzambi idi mileja mu Bible. “Tshintu tshionso tshitudi tulomba bilondeshile disua [dia Nzambi], udi utumvua.” (1 Yone 5:14) Udi mua kusambila bua malu adi akusamishila mutu anyi? Eyowa. Bible udi wamba ne: “Pumunayi mioyo yenu kumpala [kua Nzambi].​—Misambu 62:8.

Tshilejilu: udi mua kusambila Nzambi

• bua akupeshe ditabuja.​—Luka 17:5.

• bua akupeshe nyuma muimpe, anyi bukole buende buenzeja bua kuenza malu makane.​—Luka 11:13.

• bua akupeshe bukole bua kutantamena ntatu ne bua kukandamana mateta.​—Filipoyi 4:13.

• bua akupeshe ditalala dia mu muoyo anyi bua wikale talalaa.​—Filipoyi 4:6, 7.

• bua akupeshe meji bua kuangata mapangadika mimpe.​—Yakobo 1:5.

• bua akuambuluishe bua kukumbaja majinga ebe a ku dituku.​—Matayi 6:11.

• bua akubuikidile mpekatu yebe.​—Matayi 6:12.