Bantemu ba Yehowa batu bakandikangana filme, mikanda, anyi misambu kampanda anyi?

Tòo. Mu bulongolodi buetu kamutu muntu utu umona filme kampanda, ubala mikanda kansanga anyi umvua misambu kankenga bua kulua kutuelela mikenji bua bitudi ne bua kuepuka to. Bua tshinyi?

Bible udi ulomba muntu yonso bua kuibidija ‘bieledi biende bia meji bia kumvua nabi’ bua kujingulula tshidi tshimpe ne tshidi tshibi.​—Ebelu 5:14.

Mu Mifundu mudi mêyi manene adi muena Kristo mua kulonda padiye usungula mushindu kampanda wa dipitshisha kapepe.a Mu nsombelu yonso, tshipatshila tshietu ntshia ‘kutungunuka ne kukeba bua kumanya malu adi Mukalenge wanyisha.’​—Efeso 5:10.

Bible udi ulongesha ne: bamfumu ba mêku badi ne bukokeshi, nunku badi mua kukandika bena mu mêku abu mushindu kampanda wa dipitshisha kapepe. (1 Kolinto 11:3; Efeso 6:1-4) Kadi pakumbusha anu mu dîku, muntu nansha umue kena ne bukokeshi bua kukandika Bantemu dimona filme kampanda, diumvua misambu kansanga anyi kubambila ne: muntu kampanda muenda lumu mmubi.​—Galatiya 6:5.