Nganyi udi mukufuke?

1 Nzambi wakafuka diulu ne buloba.—Genese 1:1

2 Nzambi udi ne dina. Dina diende n’Yehowa. —Misambu 83:18

Yehowa udi mu diulu. Udi nyuma. Kuena mua kumumona to. —Yeshayi 66:1; Yone 1:18; 4:24

3 Yehowa wakafuka banjelo ba bungi mu diulu. Mbifukibua bia mu nyuma. Bonso buabo bavua bakane. Ku kale, bavua bavuala mubidi wa bumuntu bua bantu kubamonabo. —Ebelu 1:7

4 Yehowa wakafuka nyama ku kale menemene, kumpala kua kufuka muntu.—Genese 1:25

5 Yehowa wakafuka kabidi mulume e kumuidika dina ne: Adame, ne mukajiende Eva.—Genese 1:27

Nzambi wakabateka mu budimi buimpe anyi mu mparadizu. Wakapesha Adame mukaji anu umue. Mulume uvua ne bua kusomba anu ne mukajiende umu’epele.—Genese 2:8, 21, 22, 24

6 Muntu udi anyima. —Genese 2:7

7 Nyama idi anyima. —Genese 1:24