TSHITUPA 8

Lufu lua Yezu ludi mua kukuenzela tshinyi?

Yezu wakafua bua tuetu tupete muoyo wa tshiendelele. Yone 3:16

Bantu bakaji batangila lukita lua Yezu ludi munda mutupu

Matuku asatu Yezu mumane kufua, bantu bakaji kampanda bakaya ku lukita luende, kulusanganabu munda mutupu. Yehowa ukavua mumubishe ku lufu.

Yezu umuenekela bapostolo, pashishe ubanda mu diulu

Pashishe Yezu wakamuenekela bapostolo bende.

Yehowa uvua mubishe Yezu ne mubidi wa nyuma utudi katuyi mua kumona, bu muntu wa bukole bua bungi udi kayi mua kufua to. Bayidi ba Yezu bakamumona pavuaye ubanda mu diulu.

Nzambi wakabisha Yezu ku lufu ne kumuteka Mukalenge wa Bukalenge buende. Danyele 7:13, 14

Yezu musombe mu nkuasa wende wa bukalenge ukoshesha bantu mu mparadizu pa buloba

Yezu wakafila muoyo wende bua kutupikula. (Matayo 20:28) Nzambi mmutupeshe mushindu wa k upeta muoyo wa tshiendelele ku diambuluisha dia muoyo wakafila Yezu au.

Yehowa wakateka Yezu Mukalenge bua kukokeshaye buloba. Neakokeshe ne bantu bimpe 144 000 bikala Nzambi mubishe ku lufu bua kuyabu mu diulu. Yezu ne bantu 144 000 aba badi benza mbulamatadi muimpe wa mu diulu anyi Bukalenge bua Nzambi.—Buakabuluibua 14:1-3.

Bukalenge bua Nzambi nebuvuije buloba mparadizu. Mvita ne dibunda dia bibawu ne bupele ne nzala kabiakuikalaku kabidi to. Bantu nebikale ne disanka dia bungi.—Musambu 145:16.